摩登堂 (荃灣廣場) (已結業)

同friend约咗喺荃湾见面聚下旧，就拣咗呢一间睇落去好好食嘅泰国餐厅。我哋两个人叫咗四个𩠌，食得好饱又开心。食泰国餐厅就一定要食咖喱，我哋叫咗一个泰式青咖喱无骨鸡柳，青咖喱浓郁惹味，椰香好足，鸡柳份量亦都好多。跟住我哋嗌咗一个炭烧蜜糖酱烤猪颈肉，猪颈肉肉质外脆内软，出边仲有一层甜甜嘅蜜汁，好啱送饭食。跟住我哋再叫咗一个曼谷醉猫炒金边粉，金边粉炒得好有镬气，仲有大虾好抵食！重点就系我哋叫嘅甜品，焦糖嘉年华丹麦厚吐司，卖相好靓可以打卡，吐司上面一层cream再加焦糖超级邪恶，仲有我最钟意食嘅Lotus饼，10分推介。