INN - I’m Not Nothing (已結業)

今次约左朋友去左比较少人嘅地方，E-max嘅餐厅静静地食个饭倾下计。 I’m not nothing! 餐厅喺地下都好易揾，大大个INN标志实揾到。餐厅都有几多位，坐位分布舒服，餐厅装修系好适合打卡嘅地方。 其中主食我拣左鲜牛油果酱烤焗美国黑毛猪鞍扒，好大份，而摆盘亦好靓。牛油果酱铺满喺扒上面，牛油果酱冇加太多额外调味，好清新。同扒都几夹，唔会抢哂猪鞍扒嘅肉香。黑毛猪鞍扒厚切，肉质弹牙而且好重肉香，旁边再配左少少黄芥末酱，钟意嘅可以配黎食。 仲配左沙律同翠肉瓜粒加薯蓉，食起上黎真系好够份量。相信大食嘅朋友一定饱，细食嘅朋友可以考虑开心share~ 小食就叫左金文拔芝士肉酱薯条，$68黎讲真系大份又好食份量都几大份，面头系大量嘅肉酱，调味适中，有茄汁酸甜加肉酱嘅香浓。薯条好脆，薯仔味都比一般薯条重！ 饮品叫左士多啤梨蓝莓奶昔，带少少微酸，质地唔算好厚身，都几开胃~ 价钱相宜，环境都相当唔错，静静地好舒服～