Interval | Farmacy (數碼港商場) (已結業)

🅰️炭烤USDA prime 西冷牛排呢个牛扒烧得好靓，啱啱熟，啲牛肉仲系粉嫩嘅，好腍，好重牛味，另外配料有啲系烧过嘅蔬菜，蒜头，全部都好香好香口！🈵炭烤佐贺猪梅扒日本嚟嘅猪真系唔同啲，整到一块汉堡扒咁，但啲肉好腍，肉质好好，口感超好，软绵绵，亦都好香猪味，再加埋底下有炒到半熟嘅滑蛋，再点啲烧汁，超香！💯炭烤鸡排鸡扒好厚好大块，烤到有啲焦香，鸡皮好脆，但鸡肉就仲系嫩滑，底下亦都有炒蛋，再点啲酸酸地嘅汁，好好食，味道特别！🉐龙虾汤呢个系Lunch set 加钱Upgrade既，绝对值得！龙虾味好浓，啲汤好稠，好足料，稠得黎都好滑，口感好好，虎虾有烤香过先放落啲汤度，成个汤好咸香，好鲜味！