影片
更多
2022-11-16
44 浏览
选址iSquare25楼嘅霸王川庄，可以居高临下饱览维港景致，有靓景食物亦都出色，话系川菜但顾及唔同客人需要，亦有唔少唔辣嘅菜色，任君选择。落座之后先由侍应为茶盅加水，以茶盅代替茶杯都系呢度特色，八宝茶十分足料，饮落有清新荞麦香。拣咗麻酱鸡丝粉皮作为今日嘅开胃菜，麻酱非常香浓，粉皮透薄挂汁力高，每啖都有浓郁嘅芝麻味。唔少人都推荐呢度嘅双色小笼包，有原味同麻辣两款，原味水准对办，麻辣味令人惊艳，麻香恰到好处，唔止汤汁，连个肉馅都有辣度，食得过瘾。平时食馒头多数系拳头大细，呢度一反传统制成一口大小，口感烟韧，有啲似迷你麻糬波波。重头戏片皮鸭水准中上，皮脆肉嫩，配有大量青瓜丝、葱丝同京酱，任你点加都有足够配料俾你用，认真大方。食完鸭最适宜食啲青菜解腻，浸煮水东芥就系个好选择，加咗樱花虾汤底更显鲜味。
落座之后先由侍应为茶盅加水，以茶盅代替茶杯都系呢度特色，八宝茶十分足料，饮落有清新荞麦香。
拣咗麻酱鸡丝粉皮作为今日嘅开胃菜，麻酱非常香浓，粉皮透薄挂汁力高，每啖都有浓郁嘅芝麻味。
唔少人都推荐呢度嘅双色小笼包，有原味同麻辣两款，原味水准对办，麻辣味令人惊艳，麻香恰到好处，唔止汤汁，连个肉馅都有辣度，食得过瘾。
平时食馒头多数系拳头大细，呢度一反传统制成一口大小，口感烟韧，有啲似迷你麻糬波波。
重头戏片皮鸭水准中上，皮脆肉嫩，配有大量青瓜丝、葱丝同京酱，任你点加都有足够配料俾你用，认真大方。
食完鸭最适宜食啲青菜解腻，浸煮水东芥就系个好选择，加咗樱花虾汤底更显鲜味。
张贴
