金記冰室 (Two Harbour Square) (已結業)

观塘就至多 IT 公司，作为IT界其中一分子，特别欣赏佢自己落单既 UIUX 够简单直接，scan QR code 之后direct 去网站，拣跟野饮既菜式会提示落唔落埋野饮，野饮提供唔同既走甜少甜走冰少冰，有留意 user 既需要，除咗 menu 较长难揾 item之外都揾唔到其他问题，值得一赞。讲番野食，食Lunch加个西多士好似好过份，但炸到脆脆地既多士连雪糕超正。餐蛋菠萝包，午餐肉咸加菠萝包甜，喜出望外地好食 。主食推荐炸鸡脾芝士蕃茄焗饭，鸡脾炸得干身脆皮但保留到肉汁，蕃茄微酸中和油腻感。铁板杂扒超级丰富，烟肉，鸡肉肠，猪，牛扒，其中猪扒最好食，口感弹牙又入味。薯菜既薯条够脆，特别一赞蒜蓉汁充满蒜香，正。干炒牛河系下午茶份量，超多牛肉，如果净系自己一个去食冇 share ，女仔真系岩岩好，炒得好有镬气，记得加是拉差辣辣酱，一流。最后紧系要饮杯黑牛，爽一爽。呢度都几多特色饮品，例如牛肉汁，到而家咁大个人都未试过，有机会要试试佢。