影片
更多
2014-06-15
2744 浏览
食果酱其实真喺无咩心得，细个时最钟意喺用罗拔臣黄梅占做油占多，另外罗拔臣仲有只柠檬占，搽梳打饼清香好食 ，早年都仲有机会晌华润见到，依家好似消声匿迹 。不过，近年老婆就较喜欢法国嘅圣桃园（St. Dalfour）果酱，尤其蓝莓味，一来晌超市就买得到，二来贪佢讲明成分天然，又无添加，更含一半成份果肉，都只喺三十零蚊一樽（284g-300g），抵食㖞 。年初，收到食友一份生日贺礼，喺嚟自Classified，属英国产品嘅Strawberry and Champagne Preserve Extra Jam 。本来都无打算写食评，因为都唔知点写好，不过，最近意外获赠大师级所做嘅黑松露鸭肝酱，斋配梳打饼已食得到鸭肝酱嘅绵滑，其独有嘅酥香。不过，众所周知，鹅肝酱、鸭肝酱都喺比较浓味，肥腻感偏重嘅食材，心想：搭果占做多士又点呢 ？士多啤梨香槟果酱拼鸭肝酱多士，原来OK㖞，味道都唔会太古怪，甜甜酸酸嘅士多啤梨香槟果酱，跟浓味嘅鸭肝酱，有种相互中和、平衡嘅作用，入口会清新少少 。不过，款果酱个味道本身唔好太期待有咩香槟味，因为睇番背后招纸嘅成份，香槟只有3%已而 。而且，亦有加入一啲化学
本来都无打算写食评，因为都唔知点写好，不过，最近意外获赠大师级所做嘅黑松露鸭肝酱，斋配梳打饼已食得到鸭肝酱嘅绵滑，其独有嘅酥香。不过，众所周知，鹅肝酱、鸭肝酱都喺比较浓味，肥腻感偏重嘅食材，心想：搭果占做多士又点呢 ？士多啤梨香槟果酱拼鸭肝酱多士，原来OK㖞，味道都唔会太古怪，甜甜酸酸嘅士多啤梨香槟果酱，跟浓味嘅鸭肝酱，有种相互中和、平衡嘅作用，入口会清新少少 。
不过，款果酱个味道本身唔好太期待有咩香槟味，因为睇番背后招纸嘅成份，香槟只有3%已而 。而且，亦有加入一啲化学成份，算不上好天然。一樽果酱有成454g，啱啱好一磅重，都几「襟」食！
好奇究竟要几钱樽，就晌公司附近嘅Classified望望，原来都要成$70一樽 ，真喺大手笔，藉此再次多谢食友嘅精心贺礼 ！
其实朋友间送咩都好开心，就算喺樽罗拔臣都一样咁欢喜，不过，就千祈唔好喺惠康嘅特惠牌，超平，但真喺唔得啰 ！
题外话/补充资料：
因为喺朋友嘅餽赠，所以，环境、服务、卫生，参考价值唔大。
(以上食记乃用户个人意见 , 并不代表OpenRice之观点。)
张贴
