影片
更多
2016-08-14
3066 浏览
友人请食饭, 邀请在下到呢间有好多年历史既西餐厅Jimmy’s Kitchen, 第一次听以为系Jamie Oliver 开果间, 满心期待, 但望真啲… 咦? 唔系Jamie… 系Jimmy wor… 当堂疾左一疾, 即刻上网望两眼, 喺openrice见到啲食物相, 估计应该系花园餐厅同第尾牛扒啲朋友, 不过再睇真啲, price range 人均$400-$800, 难道系矜贵version? 而且相对地都算多笑脸, 在下又有番少少期望~餐厅喺尖沙咀, 地铁站L5 出口沿住亚士厘道一直行, 经过好多韩国餐厅之后再行到最笃笃就见到Jimmy~ 餐厅门面冇咩特别, 普通白色一幅墙加玻璃窗, 但入到去就发觉别有洞天, 估都估唔到喺呢啲横街窄巷既餐厅入面都揾到fine dining格局. 最先见到系一个好靓既英式酒吧, 者系望落去似会坐得几舒服果啲, 然后行入去穿过酒吧后就系Dining Area.Dining Area亦都好靓, 深木色做主调, 高级西餐厅典雅格局, 俾人感觉 “巧胶纸”啊~ (有啲类似Ruth’s Chris @ TST 或者 Langham Hotel既Boston
餐厅喺尖沙咀, 地铁站L5 出口沿住亚士厘道一直行, 经过好多韩国餐厅之后再行到最笃笃就见到Jimmy~ 餐厅门面冇咩特别, 普通白色一幅墙加玻璃窗, 但入到去就发觉别有洞天, 估都估唔到喺呢啲横街窄巷既餐厅入面都揾到fine dining格局. 最先见到系一个好靓既英式酒吧, 者系望落去似会坐得几舒服果啲, 然后行入去穿过酒吧后就系Dining Area.
Dining Area亦都好靓, 深木色做主调, 高级西餐厅典雅格局, 俾人感觉 “巧胶纸”啊~ (有啲类似Ruth’s Chris @ TST 或者 Langham Hotel既Bostonian, 不过再暗啲~ ) 我地被安排坐喺四人卡位, 够晒私隐又坐得舒服 (值得一赞系卡位既梳化, 唔系果啲淋滋滋一坐落去成个人就即刻低半个头果只, Good!)
再赞既系呢度冇话逼你饮果啲法国春水 (但枱面都放左一枝, 想饮就开, 唔用就摆番喺度).
Server 一开始推介生蚝拼盘配白酒, 听落几扺, 不过友人唔食生蚝, 唯有下次自己黎再试~ 而餐牌都有好多野食简, 冷热前菜啊, 汤啊, 沙律啊, 咖哩啊, 焗饭意粉啊, 扒啊, 总之琳琳种种, 绝对系港式西餐厅既感觉~ (详细menu请参考餐厅网址)友人话呢度出名食扒, 所以特登叫一客. 由于大家都唔大食, 所以叫多一个前菜, 一个汤, 一个甜品 for sharing, 就够食了~
Bread 面包
34 浏览
0 赞好
0 留言
Ox-Tail and Barley 牛尾汤配Barley酒
$78
33 浏览
0 赞好
0 留言
亮点系隔离果细细兜既Barley, 一闻落好香, 加唔加随自己喜欢, 不过好酒既在下就二话不说加左落去, 令到成个汤更加惹味!
Baked Avocado and Crab glazed with hollandaise sauce 焗蟹肉牛油果
$124
37 浏览
0 赞好
0 留言
原只牛油果刮肉, 切粒, 捞埋蟹肉同荷兰汁 (忌帘, 蛋黄, 柠檬汁) 再拎去焗. 焗既火候控制得刚刚好, 冇过熟但足够令牛油果外面有半溶状态而个芯keep住微暖同Texture, 唔会一pat 野. 折好既新鲜蟹肉散落喺牛油果周围, 佢既蟹鲜加埋牛油果估唔到可以咁match! 加埋啲酱汁令成件事好creamy~
在下极力推荐大家黎试下呢个前菜, 食完之后记住个味道, 然后番屋企自己整! (因为睇落唔多难整).
USDA Servers Choice Holstein Angus Tenderloin 美国USDA安格斯牛里脊肉 – 12 oz With creamy mash and Portobello
$498
37 浏览
0 赞好
0 留言
USDA Servers Choice Holstein Angus Tenderloin 美国USDA安格斯牛里脊肉 – 12 oz With creamy mash and Portobello
$498
46 浏览
0 赞好
0 留言
在下曾经讲过, Tenderloin 最紧要系够Tender (嫰), 好多时一落刀果下便知龙与凤. 呢度果然冇令我地失望, 落刀几乎唔驶吹灰之力, 切开之后系势色对版既Pink Center, 然后大量既血红肉汁徐徐流出, 呢啲就系质素既保证, 一望都知好食.
放埋落口就知冇睇错, 咬都唔系好驶点咬,虽然冇左果份澎湃油脂, 但好处系食完之后唔会搞到个口油淋淋, 而最最最紧要系块扒既皮微脆带点炭㶶, create唔同口感得黎又顺手丰富左块扒! 在下敢讲, 味道拍得上城中出名扒房如Morton’s.
一块扒免费跟一个薯仔同蔬菜dish.
薯蓉既薯味好香, 调味亦刚刚好, 仲特登整到留番少少好细粒既薯仔肉, 叫做有啲野咬下. 呢度既薯蓉唔系行现代法国菜既路线 - 滑不溜口而轻身, 所以比起上黎会比较有substance.
磨菇应该有稍微周味过, 除左本身好香既菇味, 仲有其他香料, 又系唔错~
注意: 块扒都几够份量, 12 oz, 望落去好似唔系太大, 不过切忌眼阔肚窄, 一块扒两个人share其实刚刚好, 倘若每人一块, 在下几肯定食到一半你已经济晒, 然后要逼自己食埋剩低既一半, 然后仲有伴菜, 食到咁辛苦, 何苦呢?
Jimmy’s Favorite Satellite – deep-fried vanilla ice-cream flamed with Grand Marnier 占美喜爱的衞星(直译…哈哈)
$88
46 浏览
0 赞好
0 留言
睇得又食唔食得呢?? 作为signature, 点都有啲料既~ “熊熊”烈火烧走酒精, 留低既系激情同热情, 搞gag者, 烧完之后留低左啲灯香, 少少㶶, 同埋苦味. 但苦味又会俾云尼拿雪糕balance番. 以为块皮淋左酒烧完之后就会淋晒变到一Pat野, 竟然又冇wor, 唔敢讲超脆, 但总算有野咬, 佢索埋啲灯酒, 暖暖地, 捞埋个雪糕, 有惊喜!
如果要弹既, 就系成个Dessert都几heavy, portion又唔算细, 2个人要食晒佢其实都会有少少吃力~
<FOOD COMMENTS>
食物简单直接, 冇咩花巧野, 扒就系扒, 汤就系汤, 唔会见到啲用汁做既泡包, 亦都唔会见到雕龙雕凤既摆碟, 所有野都好Down to Earth. 当然, 你唔可以expect食紧既系米芝莲级数菜式, 但好味就系真既. 由汤一路食到甜品, 在下都满意, 以Casual Dining价位黎讲, 暂时佢排第一!
<SERVICE>
唔知系餐厅黑暗, 定真系啲侍者面黑, 离远望佢地真系冇咩笑容, 不过, 当你一叫佢地, 佢地又即刻好热心咁帮手. 似乎除左餐厅本身, 呢度既员工都好有历史, 大部份都系上左年纪既叔叔, 不过佢地绝对唔会见你后生细仔叫野食又唔多而俾脸色睇, 亲切既Service 是也~
唔好睇少啲老野, 后面果枱系鬼佬, 佢地倾计既时候, 用晒流利英文, 有讲有笑, 纷纷钟佢地啲英文仲好过在下同友人呢啲所谓 “大学生”
<ENVIRONMENT>
环境舒适楼上已经讲左, 值得一提既系餐厅既客人竟然系以外国人为主, 一来成个气纷唔同晒, 冇计, 崇洋系咁, 二来洋人都黎食既西餐, 心理上会觉得: 间野应该有质素保证~
我地果日去系礼拜四, 虽然系平日, 但餐厅都full左7, 8成, 不过好彩一啲都唔嘈, 可能因为成个场比较寛敞, 加上枱同枱之间都有番咁上下距离.
<WORHTINESS>
食物样样都好, 服务又唔错, 最紧要环境靓, 坐得舒服, 2个人埋单8百几. To be honest, 呢度的确好过唔少酒店西餐厅, 倘若要简间靓餐厅锯块靓扒庆祝一下, 笔直一千蚊内, 与其去果啲喺二三线酒店里面扮一线既西餐厅, 俾佢地㓥到一颈血, 倒不如实际少少, 放弃执著 “酒店” 呢个形容记, 黎呢度, 在下拍心口保证, 阁下得到既会更多!
张贴
