OMG Chicken (已結業)

食完下午茶之后，喺附近买外卖返屋企食，就叫咗个二人餐。二人餐 $168二人餐有几多嘢食，包括一个八吋Pizza、半只烧鸡、两只鸡翼、薯条、蒜蓉包同埋两杯汽水，几抵食。OMG Chicken Spicy Pizza呢款pizza有辣肉肠、鸡肉、车打芝士同埋意大利腊肠，好足料，而且啖啖肉😂啱晒食肉兽🥩呢款pizza系厚底，但唔会过干或者太硬，口感几好。好多芝士加埋番茄酱令pizza更香又有啲湿润感。半只烧鸡配蜜糖蒜蓉酱呢只烧鸡size都几大只，搣开嘅时候有肉汁漏出，而且鸡肉嫩滑几Juicy，唔会’鞋飒飒’😝 而烧鸡本身带有一阵烧烤味，所以唔需要刻意点酱都够味。蜜糖蒜蓉酱有啲似M记嘅泰式辣酱，甜甜酸酸，令你更加开胃🤤鸡翼鸡翼同烤鸡嘅味道相近，size都几大只🐥薯条薯条份量比我想像中更多，薯条系粗薯条，每一条薯条都会沾上香辣粉，食落去就更加香口。蒜蓉包蒜蓉包依然脆卜卜，几浓蒜蓉味🧄🧄🧄食物质素唔错之外，相信现场即时食一定更正😢 几欣赏佢嘅外卖包装。因为包装得好整齐，啲汁酱或油完全冇漏。另外，佢会提供即弃手套，如果你想坐系海滨到食都可以。