野玩田店

营业中

休息中

朋友介绍有味著火烧鸡话好正，呢日黎试试餐包系甜麦包，热辣辣，香餐汤系黑松露忌廉汤，好香浓黑松露味，好饮今晚主角！ 野玩火凤凰 （啤酒三黄鸡） $328上台时候已经闻到好香啤酒同烧烤味道。 店员点火，哇！ 真系火焰烧鸡啊！ 即刻成为全场焦点！ 火烧完，d香味更出。正当我有d担心点开始食佢嘅时候，店员话会帮我地切开只鸡，好贴心。切开之后，见到入面鸡肉仲好嫩，唔干。 食落仲好juicy多肉汁！本来用刀叉食，食食下太滋味，忍唔住用手食。 必食推介！不过记得要打电话预订先，怕你去到冇得食。海虾龙虾汁意大利饭 $188意大利饭软硬度刚刚好，龙虾汁挂汁，香浓。海虾肉质弹牙，nice。香煎鲷鱼柳配刁草忌廉汁及粟米薯蓉 $198 （Set）鱼柳煎到外面好香脆，里面好嫩滑。 特别欣赏佢个粟米薯蓉，好滑但唔油腻。跟餐有餐汤 / 沙律，面包同饮品。饮品包茶 / 咖啡， 加钱可以转特饮环境几舒服，有窗口位坐。