影片
更多
2020-05-27
1049 浏览
ShakeShack終於嚟到沙田喇！堂食除咗排隊落單，仲可以經QR code喺網上落單。只需要留低電話同稱呼，收到sms後就可以去櫃枱攞嘢食，成個過程大約8至10分鐘。ShackBurger🍔🥬🍅芝士漢堡配生菜、蕃茄同ShackSourceBurger可以揀食單層或者雙層，相入面呢個係雙層嘅。佢嘅漢堡唔算好有肉香，但勝在夠juicy又有油香，唔會鞋十十。配埋蕃茄、生菜同軟身芝士又香又fresh。第一次食嘅話我會推介試呢個signature burger。SmokeShack🍔🥓🌶芝士漢堡配蘋果木熏煙肉、櫻桃辣椒粒同ShackSource呢款我地都揀咗雙層。辣椒粒香口但唔會太辣，煙肉亦的確同平時食到嘅唔同，有淡淡嘅木香，脆脆嘅口感配埋洋葱令到成個漢堡包口感更豐富。Crinkle Cut Cheese Fries 🍟🧀薯條一定要揀有芝士醬嘅！佢嘅芝士醬勁香，不過一定要趁熱食，如果唔係個醬就會”瓊”咗冇咁好點。Milk Tea Shake🍼☕️(左)Classic Hand-Spun Shakes (Black/White)🍫🍦(右)奶茶奶昔係香港獨家架！如果係奶茶精嘅就一定要試。佢有茶香得嚟
ShakeShack終於嚟到沙田喇！堂食除咗排隊落單，仲可以經QR code喺網上落單。只需要留低電話同稱呼，收到sms後就可以去櫃枱攞嘢食，成個過程大約8至10分鐘。
ShackBurger🍔🥬🍅
芝士漢堡配生菜、蕃茄同ShackSource
Burger可以揀食單層或者雙層，相入面呢個係雙層嘅。
佢嘅漢堡唔算好有肉香，但勝在夠juicy又有油香，唔會鞋十十。配埋蕃茄、生菜同軟身芝士又香又fresh。第一次食嘅話我會推介試呢個signature burger。
SmokeShack🍔🥓🌶
芝士漢堡配蘋果木熏煙肉、櫻桃辣椒粒同ShackSource
呢款我地都揀咗雙層。辣椒粒香口但唔會太辣，煙肉亦的確同平時食到嘅唔同，有淡淡嘅木香，脆脆嘅口感配埋洋葱令到成個漢堡包口感更豐富。
Crinkle Cut Cheese Fries 🍟🧀
薯條一定要揀有芝士醬嘅！佢嘅芝士醬勁香，不過一定要趁熱食，如果唔係個醬就會”瓊”咗冇咁好點。
Milk Tea Shake🍼☕️(左)
Classic Hand-Spun Shakes (Black/White)🍫🍦(右)
奶茶奶昔係香港獨家架！如果係奶茶精嘅就一定要試。佢有茶香得嚟又唔會太甜，雖然係奶昔，但食完漢堡包之後飲一啖都會有refresh嘅感覺。
右邊係朱古力/雲呢拿奶昔，係classic口味。呢款就比較甜，飲半杯已經幾膩。可以考慮同朋友一杯2份分。
想再搞搞新意思嘅，可以俾多5蚊加配麥芽粉或者鮮忌廉呢！
张贴
