陵發潮州白粥 (已結業)

如果想食潮洲打冷档今时今日真系净番唔多，全靠朋友带我去陵发打冷先至有机会回味一番。 由于六点半到达时间尚早可揾到张细枱两个人坐，唔洗搭枱。 朋友介绍一定要食呢度嘅蚝饼，我实会钟意㖞。另外，我点咗牙带鱼、生肠拼鹅肠、花生凤爪， 转个头啲食物就陆陆续续送上。蚝饼大槐又厚睇落平平无其，点知原来里面唔系一般嘅蚝仔系Jumbo蚝仔，大过平时嘅两、三倍非常饱满肥美而且蚝数量颇多，粉浆适中兼极之脆身放耐D都唔易淋，咁香口送啤酒最正。牙带鱼比较少食点知好有惊喜， 一碟有六件而每件鱼外面都盐味煎到脆卜卜，鱼肉白雪雪有弹性非常新鲜，一边一边感觉比英式炸鱼还要好味。 嚟打冷紧系要食吓打冷至有嘅食物，花生凤爪蚊得好淋，而生肠鹅肠浸过卤水汁好入味又爽口。蚝饼果然令我喜欢而牙带鱼又好好味，下次必定再叫呢两味。