影片
更多
2019-07-07
2112 浏览
今日约咗几个好耐冇见嘅旧同学出黎行街食个饭，选址尖沙咀因为最容易就到大家。行完K11肚饿，系出面就见到呢间聚点，见到好多小菜可以食，环境系港式茶餐厅，够晒轻松自在，就入左去。我地四个人叫左五个菜。首先黎左个例汤一大碗。<粉丝海鲜杂菜煲> （$88）海鲜有虾、鲜鱿、蟹柳。菜有菜心、西兰花、菇等。好足料，味道丰富。<椒盐鲜鱿> （$88）炸皮炸得好松脆，调味唔会好重手，少少咸少少辣，几啱我。<柚子骨> （$88）好似糖醋排骨，但系就用左柚子蜜，呢种甜味好正，第一次食，大开眼界。<例牌聚香鸡> （$88）呢度可以叫全只，半只或者例牌，我地叫左咁多野就叫个最细既例牌。跟三款酱汁。<豉油皇干煎海虎大虾>（$138）虾大大只，煎完之后啲虾肉仲系好弹牙，厨师好野。饮品大家叫左热鸳鸯（$16）、热咖啡（$16）、热柚子蜜（$18）、冻柠水（$18）。四个女仔唔洗叫饭，都食到饱晒。呢度几好生意，我地坐左两个钟，客人都系源源不绝。
我地四个人叫左五个菜。
首先黎左个例汤一大碗。
<粉丝海鲜杂菜煲> （$88）
海鲜有虾、鲜鱿、蟹柳。菜有菜心、西兰花、菇等。好足料，味道丰富。
<椒盐鲜鱿> （$88）
炸皮炸得好松脆，调味唔会好重手，少少咸少少辣，几啱我。
<柚子骨> （$88）
好似糖醋排骨，但系就用左柚子蜜，呢种甜味好正，第一次食，大开眼界。
<例牌聚香鸡> （$88）
呢度可以叫全只，半只或者例牌，我地叫左咁多野就叫个最细既例牌。跟三款酱汁。
<豉油皇干煎海虎大虾>（$138）
虾大大只，煎完之后啲虾肉仲系好弹牙，厨师好野。
饮品大家叫左热鸳鸯（$16）、热咖啡（$16）、热柚子蜜（$18）、冻柠水（$18）。
四个女仔唔洗叫饭，都食到饱晒。呢度几好生意，我地坐左两个钟，客人都系源源不绝。
张贴
