阿閒泰 (K11購物藝術館)

营业中

休息中

成日经过K11都见到有好多人排呢间泰国菜，今日终于食到喇，果然冇失望～前菜叫咗青苹果茄子沙律，小小辣，加埋青苹果同花生碎，口感好丰富。朋友即刻同叫咗杯椰青滑冰，椰肉味香浓，果肉都好厚好好食，同时又解渴。我叫咗杯手作花香斑兰蝶豆花茶，又靓又香。主菜叫咗泰又话啦菠萝鸡肉炒糙米饭同炭烤牛肉串烧，炒饭有提子干、红椒、菠萝、鸡肉粒，卖相一流而且味道丰富。牛肉串烧到焦香，肉质软腍。香辣炒通菜，份量好多，既开胃又健康。最后食咗椰汁芒果黑糯米饭做甜品，超开心有拔丝食！糯米饭有花生同椰子干，香得嚟又cruchy，糯米好烟韧，带嚟另一重口感，又甜又厚肉嘅芒果当然系成个甜品嘅重点餐厅喺商场入面比较开扬嘅环境，坐得好舒服，仲有吧台可以就咁同朋友饮杯嘢。