CURATOR Art & Café (已結業)

我地今日放假啦，约埋一齐去行街街，行完尖东就过左黎K11 Musea，呢度都有好多餐厅，见到呢间Curator都几Artsy。好，坐低睇下有咩好食先。叫咗主菜，加48有餐汤、饮品。安格斯高级肉眼牛扒配烤薯，超有份量嘅牛扒，有10oz，虽然叫左7成熟，但肉质都好软腍，仲有肉汁。薯角外皮好脆，里面薯仔肉够粉。波士顿龙虾意粉，龙虾好吸引，意粉喺虾身入面，好有造型，意粉挂满龙虾肉同酱汁。Venchi 冰朱古力，Venchi朱古力系我至爱，呢个朱古力饮，有浓厚朱古力味，又唔会太甜。丸久小山园抹茶冰拿铁，虽然饮咗latte，我都可能瞓唔着，但真系忍唔住要饮，奶滑又浓郁嘅抹茶味，满满幸福感。