CURATOR Art & Café (已結業)

收工过来K11买野，转角见到尼间好有艺术气息的主题餐厅，色彩缤纷，就同朋友仔一齐试试。意式火腿配水牛芝士薄饼先上，个饼底好脆好香，又唔会太干。火腿淡淡的咸味，配上奶香奶香的水牛芝士，好开胃又满足。酥脆鸡锤配水牛芝士酱，鸡锤有三只，面皮好脆，鸡肉咬落好嫩，唔会硬柴柴，芝士酱唔多，点缀在鸡锤表面，都好好味。自家制意式肉丸配芝士，芝士控都忍唔住要赞，肉丸的肉香味跟芝士的香味配搭得perfect，又有番茄🍅的味道增加层次。咬一啖肉丸，要咬一啖蘸满番茄汤汁的面包，满足。橄榄油炒墨汁意粉配带子，橄榄油加蒜末炒得香喷喷，意粉唔会太软且干身，带子肉劲厚，煎得两面焦香，令人食欲大动。最后上佐tiramisu，卖相靓得来味道都几好，轻盈的cream搭配湿润的手指饼，充满咖啡酒味，都几出色。