CURATOR Art & Café (已結業)

今日同朋友行完K11之后行到攰想揾间餐厅坐低食吓嘢，俾我哋误打误撞入咗呢间艺术餐厅，发现饮品有得打影图案，又几盏鬼。前菜试咗炸鱿鱼圈配黑松露蛋黄酱，鱿鱼圈炸到金黄色，鱿鱼圈都几新鲜，点埋黑松露蛋黄酱，味道好夹。主菜点咗10安士日本和牛西冷，会送南瓜汤，南瓜汤饮落味道好浓郁，食到好重南瓜味，同埋有南瓜肉。厚厚的和牛西冷，火候刚好，肉质唔会谐霎霎，咬落仲会有肉汁添，好香牛扒味道。墨鱼汁意粉配带子：带子非常之大粒，而且好新鲜，唔会有雪味。墨汁味浓郁，意粉软硬适中。黎到梗系要叫番杯艺术打印饮品，选左村上隆花花图案。除咗指定嘅款式之外，仲可以用自己嘅相片打印， 十分有心思。