影片
更多
2023-04-15
861 浏览
尖沙咀K11 Art Mall最近新开一间台湾菜餐厅，入边装修都几靓😍坐位有几间独立包厢落咗窗帘仲可以自成一角方便倾偈💬，私隐度几好！不得不赞呢到服务都好好👍🏻见我食到好论尽店员仲即刻比围裙我🤣⋯⋯食物方面主打各样台式料理，台湾夜市嘅铁板蚵仔煎、刈包、香脆盐酥鸡、大肠面线、卤肉饭等等都有啊！🔸甘梅粉地瓜条 $58香脆地瓜条配上酸酸开胃甘梅粉，必叫！🔸蚵仔煎配海山酱 $78呢到蚵仔煎口味都几似系台湾食个只味，QQ顺滑嘅口感，表面食到焦香酥脆！而且蚵仔都几大只有鲜味🦪～🔸特制卤肉酸菜刈包 $46松软嘅面包皮夹住经过卤制嘅半肥瘦猪肉同酸菜，入口肥而不腻，味道咸香又带点微甜！除咗经典口味仲有两款；墨汁盐酥鸡刈包同软壳蟹刈包，啱晒钟意创新嘅你🤘🏻🔸肉松芋泥蛋饼 $72台式蛋饼饼皮都系自家制作🤲🏻，蛋饼皮非常透薄够柔软，内里包满咸香芝士、绵密芋泥、肉松同沙律酱，入口劲丰富每啖够满足！🔸麻辣红烧牛肉面 $98经过熬煮嘅牛肉汤底加上台式麻辣酱充满台湾风味，汤底香浓带麻辣香🌶️辣度绝不能忽视！用上台湾手工制面条面质弹牙有咬口，但记得趁热食因为好快嗦晒啲汤🥵牛肉亦都充满惊喜，厚身之余够软腍～🔸招牌麻辣鸭血锅
坐位有几间独立包厢落咗窗帘仲可以自成一角方便倾偈💬，私隐度几好！不得不赞呢到服务都好好👍🏻见我食到好论尽店员仲即刻比围裙我🤣⋯⋯
食物方面主打各样台式料理，台湾夜市嘅铁板蚵仔煎、刈包、香脆盐酥鸡、大肠面线、卤肉饭等等都有啊！
🔸甘梅粉地瓜条 $58
香脆地瓜条配上酸酸开胃甘梅粉，必叫！
🔸蚵仔煎配海山酱 $78
呢到蚵仔煎口味都几似系台湾食个只味，QQ顺滑嘅口感，表面食到焦香酥脆！而且蚵仔都几大只有鲜味🦪～
🔸特制卤肉酸菜刈包 $46
松软嘅面包皮夹住经过卤制嘅半肥瘦猪肉同酸菜，入口肥而不腻，味道咸香又带点微甜！除咗经典口味仲有两款；墨汁盐酥鸡刈包同软壳蟹刈包，啱晒钟意创新嘅你🤘🏻
🔸肉松芋泥蛋饼 $72
台式蛋饼饼皮都系自家制作🤲🏻，蛋饼皮非常透薄够柔软，内里包满咸香芝士、绵密芋泥、肉松同沙律酱，入口劲丰富每啖够满足！
🔸麻辣红烧牛肉面 $98
经过熬煮嘅牛肉汤底加上台式麻辣酱充满台湾风味，汤底香浓带麻辣香🌶️辣度绝不能忽视！用上台湾手工制面条面质弹牙有咬口，但记得趁热食因为好快嗦晒啲汤🥵牛肉亦都充满惊喜，厚身之余够软腍～
🔸招牌麻辣鸭血锅 $188
鸭血锅一样非常香浓惹味，用上台湾直送鸭血够滑溜唔会死实实，锅内仲有红烧牛肉，娃娃菜、金针菇、炸枝竹、冻豆腐，材料丰富又够入味，重点喺份量十足！最欣赏喺用上热锅保持热度食到尾仲热辣辣🔥
🔸麻吉芋圆爱玉 $68
嫌未够饱可以试埋呢到嘅手工甜品🍮，底部先有一大球芋泥再放上云呢拿雪糕🌿，侧边仲有菠萝、芋圆、地瓜圆、珍珠、红豆同柠檬爱玉🍋加埋黑糖酱，邪恶得来好丰富呀！
🔸四季春芝士奶盖 $42
🔸草莓沙冰芝士奶盖 $46
食台湾野点少得一杯珍珠奶茶😎，除咗奶茶呢度选择都几多，有芝士奶盖亦有清新嘅果茶～叫咗两杯试试略嫌四季春茶香争少少，但草莓沙冰就够足料饮落仲有果肉❤
张贴
