一沢拉麵 (已結業)

前排同几位中学同学去K11 Musea行街，行行下肚饿，就落楼下food court揾野食。见到呢间拉面价钱都几合理，就一齐买左啲share黎食。天妇罗软壳蟹赤味噌虾汤拉面 $128见到有软壳蟹食，又有虾汤做汤底，就即刻拣左呢款。软壳蟹有足足一只，入面嘅蟹肉都唔少。汤底虾味都几浓郁，拉面都几挂汤，算系一个唔错嘅拉面。仲有一大片海苔同埋好多粟米粒。黑蒜酱炙烧鸡卷猪骨汤拉面 $80有只溏心蛋，一咬开，蛋黄半熟，会有流心嘅蛋汁。炙烧鸡卷有两件，鸡肉都几嫩滑，又唔会好咸。喺K11 Musea 可以用$80食到一碗唔错嘅拉面都几抵。炙烧厚切豚肉（每件）$15豚肉几厚，烧得好香。唐扬炸鸡 $30炸鸡有五大件，新鲜热辣啱啱炸好。点埋甜甜地嘅酱汁，几好食。