影片
更多
2020-01-21
734 浏览
星期五晚就梗系要约朋友聚下食个饭，呢日再次嚟到K11 Musea逛逛，喺地铁站行过嚟𠮶层一直行一直行就会见到有几间食肆！我朋友一见到Curator就话想试，因为见过我食西环𠮶间Lex Coffee好似好正咁🙈。哈哈好啦，难得见佢咁有兴趣。我哋七点半钟去到，啱啱有人走，所以可以直入。由于我朋友食素🥬，唔食肉🥩，所以就问下店员有无乜啱食，佢好热心帮我哋问下厨房，之后仲推介咗两款，就听佢话叫咗𠮶两款啦😊。招牌墨西哥式煎蛋早餐Curator Huevos Rancheros($98)，依个菜式嘅造型令我觉得有啲似只蟹🦀，几吸引又几得意。成个组合真系几似早餐，因为有块面包又有只太阳蛋，配埋牛油果酱🥑同浓味的Nachos粟米片一齐食，好惹味。不过呢样比较似前菜／小食／早餐，所以份量唔多，当佢一样主菜应该争少少🙈。香蒜橄榄油意粉Linguine Aglio E Olio($158)，意粉用上扁意粉，煮得几弹牙，而且唔干、有唔少碎芝士，加上搭配大量杂菇🍄，整体都几好。海盐朱古力香蕉冰雪世界Seasalt Banana Snow($68)，个名好顶瘾😆，好似迪士尼卡通咁。呢杯系我朋友叫，隔离饭香吧，佢呢
星期五晚就梗系要约朋友聚下食个饭，呢日再次嚟到K11 Musea逛逛，喺地铁站行过嚟𠮶层一直行一直行就会见到有几间食肆！我朋友一见到Curator就话想试，因为见过我食西环𠮶间Lex Coffee好似好正咁🙈。哈哈好啦，难得见佢咁有兴趣。我哋七点半钟去到，啱啱有人走，所以可以直入。
由于我朋友食素🥬，唔食肉🥩，所以就问下店员有无乜啱食，佢好热心帮我哋问下厨房，之后仲推介咗两款，就听佢话叫咗𠮶两款啦😊。
招牌墨西哥式煎蛋早餐
$98
45 浏览
0 赞好
0 留言
招牌墨西哥式煎蛋早餐Curator Huevos Rancheros($98)，依个菜式嘅造型令我觉得有啲似只蟹🦀，几吸引又几得意。成个组合真系几似早餐，因为有块面包又有只太阳蛋，配埋牛油果酱🥑同浓味的Nachos粟米片一齐食，好惹味。不过呢样比较似前菜／小食／早餐，所以份量唔多，当佢一样主菜应该争少少🙈。
香蒜橄榄油意粉Linguine Aglio E Olio($158)，意粉用上扁意粉，煮得几弹牙，而且唔干、有唔少碎芝士，加上搭配大量杂菇🍄，整体都几好。
海盐朱古力香蕉冰雪世界
$68
38 浏览
0 赞好
0 留言
海盐朱古力香蕉冰雪世界Seasalt Banana Snow($68)，个名好顶瘾😆，好似迪士尼卡通咁。呢杯系我朋友叫，隔离饭香吧，佢呢杯好好饮，上面好似有层焦糖食落脆脆的，下面就系香蕉朱古力🍌🍫。
抹茶拿铁Green Tea Latte($49)，呢杯就系我叫嘅，我都开始学人饮热饮养生😂。Latte上面有个简单嘅拉花🌿，味道正常，无乜特别，抵赞系唔太甜。
总括嚟讲，食物味道同摆碟都唔错，我今次依位朋友比较细食，所以食得唔多嘢。餐厅环境亦都几靓，剩系门口朵彩色大花花已经好Eye-catching😍，而且有好多玻璃柜放咗啲展品，真系好似艺术馆咁。不过我自己都系钟意西环店多啲，因为系街舖，楼底高啲嘛。
张贴
