更多
2022-08-30
368 浏览
小编开始减肥计划,所以前几日戒左淀粉质。今日出关,同客户食贵价野,就拣咗中式餐厅食下米饭。因为近客户关系,所以拣咗餐厅喺K11 MUSEA, 相信系镛记嘅分店。1. 蜜汁叉烧烧味菜式之中,小编最爱叉烧,因为佢唔会好似烧肉咁样皮好干。呢个叉烧一上碟嘅时候蜜汁系好多,食落每一旧都会有蜜糖嘅味道,但佢唔会黐到嘴唇,加上半肥瘦适中,可以见到师傅既功架。2. 镛记烧鹅呢个驰名好多年嘅烧鹅,我真系细细个就听过个名。上一次食系6年前,外国有一班朋友黎香港,喺中环𠮶间食,但印象唔太好觉得好咸。但今次再食就好啲,个皮系脆既,佢个汁亦都唔会太多令到烧鹅变咸。但可能因为近来食得好味嘅烧鹅太多,镛记烧鹅对我黎讲,就变得冇咁出众。3. 凉瓜酸瓜炒牛肉牛肉炒得香,软滑的。凉瓜同埋酸瓜,拍埋一种味道系几得意。4. 蒜蓉西兰花都炒得香嘅,正常西兰花质素。另外冇影相嘅有两碗白饭加一个荷叶饭,午餐埋单$1800 四个人。食物质素系OK嘅,系价钱偏贵,黎得呢个商场食都预咗。味道:9/10环境:9/10服务:8/10性价比:5/10
因为近客户关系,所以拣咗餐厅喺K11 MUSEA, 相信系镛记嘅分店。
1. 蜜汁叉烧
烧味菜式之中,小编最爱叉烧,因为佢唔会好似烧肉咁样皮好干。呢个叉烧一上碟嘅时候蜜汁系好多,食落每一旧都会有蜜糖嘅味道,但佢唔会黐到嘴唇,加上半肥瘦适中,可以见到师傅既功架。
2. 镛记烧鹅
呢个驰名好多年嘅烧鹅,我真系细细个就听过个名。上一次食系6年前,外国有一班朋友黎香港,喺中环𠮶间食,但印象唔太好觉得好咸。
但今次再食就好啲,个皮系脆既,佢个汁亦都唔会太多令到烧鹅变咸。但可能因为近来食得好味嘅烧鹅太多,镛记烧鹅对我黎讲,就变得冇咁出众。
3. 凉瓜酸瓜炒牛肉
牛肉炒得香,软滑的。凉瓜同埋酸瓜,拍埋一种味道系几得意。
4. 蒜蓉西兰花
都炒得香嘅,正常西兰花质素。
另外冇影相嘅有两碗白饭加一个荷叶饭,午餐埋单$1800 四个人。食物质素系OK嘅,系价钱偏贵,黎得呢个商场食都预咗。
味道:9/10
环境:9/10
服务:8/10
性价比:5/10
19 浏览
0 赞好
0 留言
张贴