孖寶 (已結業)

之前同男朋友都黎过一次，一直都想同屋企人试下，今次终于得闲试到喇。上次试左安全既牛扒同意粉，都相当满意，今次信心满满意下新野！屋企人见到是日推介已经拣好左，试下盐烧油甘鱼配蜜糖柚子汁，系我地上水呢啲水货城真系好少西餐肯做龙脷柳以外既鱼架，hahaha。另一个就拣左烤黑猪鞍架。餐汤同饮品好快就到，南瓜汤好甜：）先到既系屋企人拣既油甘鱼。份量十足，而且盐烧完之后，咬落仍然有肉汁，加上厚切既份量，咬落口感好满足，再加上旁边既蜜糖柚子汁，我同屋企人都好钟意。后到既系黑猪鞍，从图中可见到，一样份量十足，表面微微金黄，望落非常吸引。不得不提既系佢地用心既薯菜，系上水西餐主食好食已经难得，仲要连薯菜都做得咁有心机，一定会再帮衬呢间小店。