四寶食堂 (華凱大廈)

营业中

休息中

听闻炮台山四宝食堂搬左去新铺，menu都有唔同，紧系要去捧场。虽然系新装修，但都系同一批员工，好亲切。今晚叫左个晚饭套餐 - XO酱百合木耳炒豚肉，好香获气又大碟，菜同豚肉都多配个白饭，成件事好夹。仲送炖汤，个汤好清甜好正。老公就爽到爆，叫个牛扒+炒蛋+菠萝油，再额外加多个葱油捞公仔面。块扒唔系求其茶餐厅啲梳打粉牛扒，呢块扒好香牛味，有啲美式扒房既感觉，炒蛋就做到澳牛既feel，想食靓炒蛋而家炮台山都有得食喇。菠萝油值得一赞，块油冰镇上，好有心思。个葱油公仔面个捞面功力十足，食捞公仔面最怕面底淋晒，呢个捞面就掂喇。呢个扒餐，唔食真系走宝，同埋想食都唔系一定食到，因为会卖晒。饮品我叫左热奶茶，入口顺滑，又唔苦涩，推介！老公叫左个特饮-阿华田雪山，咩系雪山？原来系cream加阿华田，口感更滑更顺。埋尾口痕，叫多个炼奶多士做甜品，厚边多士配炼奶，完美收场。