李家 (海壩街)

营业中

休息中

李家系香港开咗一段时间都keep住喺高质素，无论系边间分店都系！食得韩国嘢，通常都必叫炸鸡，依间款式都几多下！首先叫左半只蜂蜜大蒜炸鸡（$113），蜂蜜甜得黎唔会太腻，大蒜味道好浓郁好香，两者配合得好好！再加上炸鸡咬落好脆，肉质又够滑，成件事好好味！另外仲叫咗半份酱油炸鸡($98)，酱汁相比起另一款依款比较干身，但个鸡都唔会太干，咬落都系嫩滑，咸咸地几好食最后仲叫左泡菜饼（ $138 ），好香蛋味同泡菜味道几夹，入口软熟唔洗点咬！饮品就叫咗柠檬梳打（$38），好重柠檬味几酸下，啲气都好劲，饮落几解渴依间真系忍唔住间中就要帮衬吓！