澳門九記清湯腩王 (已結業)

一个人行完信和买高达，揾附近餐厅医下肚仔先，就咁行行下就去到呢间海南鸡专门店，都食左好多年，水准依旧。呢到啲鸡呢全部都系会去骨嘅，除左鸡翼，所以食落啖啖肉真系好爽皮。而佢啲鸡皮都好滑，有少少味唔会太咸。鸡肉方面呢，佢斩左鸡髀同鸡胸，鸡髀肉食落好弹口好好食，鸡胸老左少少但都接受到，而且都仲有鸡味，算系咁。个饭底就好有油香，配鸡一流。最紧要有姜蓉，师传教落鸡配姜蓉就最好食，个蓉唔太咸唔太辣，送饭送鸡都好好。个辣酱就不了，我真系唔食得辣，唔评。萝卜汤呢，味精汤好好饮（笑），萝卜好甜无根够林，好好食。环境就普通旺角茶仔咁，无乜招呼，无乜装修，不过一支公有乜所谓呢。