Outback Steakhouse (尖沙咀中心) (已結業)

饭堂，经常嚟 。今次打番个食评。我钟意佢地方宽敞，通常我等佢一开舖仲可以坐梳化位。 即使而家有疫情，枱之间分隔好远，仲有大夹板 ，食得安心。美国精选肉眼牛扒 $228，我食medium rare， 佢做到嘅。 我知肉眼系肥 ，但系有时真系太多肥膏，实在太多肥膏食唔到 。不过so far ok， 唯一不足嘅系， 佢哋啲扒可以厚返啲，我钟意有厚度，啖啖肉嘅感觉。蔬菜多嘅， 佢落得都多油所以啲颜色好靓 。薯条好食，但系有啲咸，每次食完都觉得好口渴。我每次一定会再加炸蘑菇$68。 口感好，因为个皮好松脆。 再配合个 sauce 真系一流。黑糖餐包超正，必食， 我基本上系冲著个餐包而来 。而且可以再添加，不过其实一个都好饱。服务态度好好，环境舒适，冷气有啲大， 啲风吹正个位， 啲牛扒好快就冻 。 每次都有水准嘅， 所以好评。