赤橋拉麵 (已結業)

呢间屯门既拉面已经好一段时间无去过，因为我个frd特登入去新界揾我，就想带佢去食下呢间久违既拉面。呢间日式拉面店都几隐世，令我谂起之前系元朗食过另一间拉面小店。不过摆位就有少少唔同，佢既墙身用粉笔画左d卡通动物公仔，好有童真。佢既menu相当简洁，主要得3款汤底。我呢d重口味既就选左黑蒜油沾面，而且仲叫左3只饺子。饺子都几饱满，一咬落热辣辣，差d辣亲。而我叫既沾面都无失望，keep到水准。汤底香浓，有2块大叉烧，加埋邪恶流心蛋，真系食完好满足。呢间屯门既拉面店都好值得食，价钱相宜，味道都好味。