茶木‧台式休閒餐廳 (已結業)

茶木唔系第一次食，但元朗呢间系第一次，晚餐时间照惯例要排队，不过倾住计等又唔算等好耐。有set dinner可以拣，不过因为钟意食茶木嘅手工意粉，谂左阵都系决定散叫。先上一份牛油果大虾沙律，份量颇多，而且材料新鲜，跟沙津上嘅酱汁唔太知系咩，不过酸酸地几开胃，同沙津几夹。主食叫左香料鸡肉蝴蝶粉，一直好钟意荼木嘅手工意粉，今次食嘅蝴蝶粉同样keep到水准，鸡肉嫩滑入味，蝴蝶粉软硬适中，酱汁香浓又creamy， 加上蘑菇减少油腻感，夹埋一齐食好正另外叫左香辣牛肉面，手工面口感弹牙，牛肉十分足料又厚身，嫩滑得黎几入味，配料萝卜一样入味。只系牛肉面比想像中更辣，唔食得辣嘅朋友建议点红烧牛肉面。最后系每次都点嘅芒果蜜糖砖块，饱的七七八八都抵唔住甜品诱惑。三层多士加上雪糕、忌廉和鲜芒果，外观都已经够吸引。中间嘅蜜糖多士好香脆，单食或者加埋雪糕一齐食都好味，而且唔会因为过甜而盖过左唔同材料嘅味道，水准真系唔错!食左咁多次唔同分店嘅茶木，水准都一直保持得唔错，而且价钱唔太贵，所以同朋友食饭都经常约茶木，希望水准可以一直保持