The French Table

营业中

休息中

疫情下半年无见，寻晚终于约齐班fd一行六人饭聚。French Table唔系第一次食，上次嘅用餐经验好好，所以今次又再返黎。餐前两款面包都香软好味，另咗除咗叫set之外，我哋仲额外加多咗个海鲜盘，有生蚝、天使虾、带子、螺⋯⋯全部都好新鲜，以分量同质素计价钱都算合情合理。前菜全部人叫Chef推荐嘅香煎鹅肝，我因为之前食过鹅肝想试新嘢就点咗鹅肝松露云吞（其实都挣扎咗一阵因为佢个鹅肝真系煎到外脆内软唔油腻），但云吞都有啲惊喜，云吞皮薄，鹅肝同黑松露味道又好夹；main course大家唔系食安格斯就系和牛，我就拣咗羊架，中间粉红色生熟度恰到好处，肉嫩无筋都好加分。甜品今晚无法式糖霜所以要咗冻朱古力饼，系dark chocolate 微苦，只系食到尾到好饱lu~同班朋友一边食一边饮酒，最后Chef做完野仲走出嚟同我哋一齐倾偈，成晚气氛都好开心，希望快啲约下次又一齐食好嘢。