巴蜀麻辣米綫 (已搬遷) 新店位置

从红磡搬迁到大角咀，对小弟而言，地点上的确冇之前咁就脚；但为左一再品尝爱好的麻辣米线，今日把心一横，lunch老远都要走一趟！到左大角咀后差点迷路，但幸好终于揾到。环境方面，以往在红磡的挤迫局面，今天不再了.......地方大左、光猛左，亦卫生左，过往数张圆枱已变成清一色方枱，在舖内并列两行。食物方面，点左蒙古香草烤鸡翼 ── 非常熨口，表皮烤到少许黐牙；内里肉汁及水份够，有d似系烤之前用水煮过的原故。总之味道及各方面都不俗！另外，当然就系麻辣米线啦！ 个汤底味道依旧良好，好重香料味，米线质感韧韧地够咬口，依然唔会浸浸下就发到涨晒。一贯的，点翻燕肉饺，味道OK！以前在红磡，午市都会送一杯豆浆.......今次我见佢上左碗米线但无跟豆浆，于是就问下店员，点知原来无再做呢个优惠﹝除非系学生，而且叫两𩠌或以上米线﹞。另外，价钱亦加左少许，可能系舖租贵过之前.....不过，其间同个店员倾开偈，佢知道我地系旧客又专程过黎，于是就送左两杯豆浆畀我地，哈哈！有机会都会再去！