BLT Burger (已結業)

话说圣诞节当日，我同男朋友去左尖沙咀行街，我地都冇计划当日嘅 lunch 食d咩。我地行海港城时，经过 BLT Burger，见到冇人排紧队，加上我地都有一段时间冇黎食，就决定食呢间餐厅。我地好快就可以入座，而侍应都好快 serve 我地。我地睇左阵 menu，都决定叫返我地平时食开嘅 BLT Combo 加黑椒蘑菇汉堡。呢间餐厅嘅 food portion 都好大份，所以我地只系叫左一个 Burger set 同一个 burger。佢地嘅价钱都有少少贵，但食物份量同味道都唔差，所以我都觉得价钱算系合理。我同男朋友 share 左一人一半burger，但由于我本身唔钟意食 bacon，所以我比左 BLT burger 入面块 bacon 佢，所以个 BLT burger 就唔评论喇！至于我叫嘅黑椒蘑菇 burger，块扒煎得好好，好 juicy，个包好软熟，配上黑椒汁加大蘑菇，令我好享受食嘅过程另外，每个 burger 都会配条酸瓜，可以中和食 burger 嘅油腻感，直得一赞。