NODI Coffee Works (浚峯) (已結業)

同个食开生酮嘅朋友响西环整啲嘢，之后同佢食晏，所以好自然就由佢话事带我去试吓新嘢。舖头位置非常接近坚尼地城站C出口，行过去唔使2分钟，附近环境都几舒服，食紧嘢嘅时候见到唔少人响度影相打卡。餐厅入边环境都好chill，佢哋用嘅绿色感觉都几特别得来又舒服。我哋叫咗两个lunch sets, 分别系生酮松露什菌椰菜花饭，同埋生酮肉酱千层面。生酮松露什菌椰菜花饭味道几好，食到松露嘅味道，什菌都有唔少，口感可以亦都好够热，份量都好足够。生酮肉酱千层面，都食到重嘅芝士味，应该可以满足要个口人嘅朋友，分量方面女士嚟讲好足够，男士可能会想多少少。题外话，两碟上面都各有三粒蕃茄，我想话啲蕃茄好好味。两个sets跟两杯嘢饮，一杯嗌咗dirty salted caramel latte, 饮落去个味道都几得意，有少少咸味得来带到咖啡嘅香味出嚟。另外一杯系hojicha latte, 口感会偏淡少少，但系after taste时间反为比较长。之后带咗一件生酮版巴斯克芝士蛋糕两份食，主要系试吓个味道，入口真系有好浓嘅芝士蛋糕味，完全估唔到系生酮，值得一赞。下次有机会再试吓另外𠮶啲嘢食同嘢饮先。