影片
更多
2024-10-28
66 浏览
肯德基KFC📍天水围天瑞路77号天泽商场2楼213A号舖转天气朝早有时都楼食返暖胃啲嘅嘢，但又唔想食得太寡、太单调？去KFC就满足到你嘅要求！皆因佢哋推出咗全新「早！肯粥意」系列，首次喺香港市场带嚟热辣辣嘅鸡粥。身为粥友同KFC fans，当然要抢先一试最新组合！ 💰$29D2 香葱家乡鸡粒粥餐 🥣呢个系列有三款粥餐，分别系香葱鸡丝粥、香葱粟米粥同香葱家乡鸡粒粥。既然要推介俾大家，当然要拣款最特别、最估佢唔到嘅配搭啦！平时单点家乡鸡粒已经食到lam lam脷，估唔到加落热鸡汤粥底会出奇哋夹！家乡鸡粒捞咗炸过嘅香葱，整齐哋放喺粥上面，并无全部浸晒粥，保持到香脆嘅口感同炸鸡嘅味道。粥底加入鸡汤煲煮，口感绵密得嚟仍食到米嘅颗粒感，唔系无米粥嚟，用匙羹搞多几下都唔会变得水汪汪，味道有啲似白汁鸡皇饭，整体比我预期好！食粥必定要配油炸鬼，虽然KFC嘅油炸鬼无一般粥舖咁长咁大，但对比其他连锁快餐供应嘅油炸鬼，KFC嘅不论口感定味道都略胜一筹，外皮香脆，内里软熟，唔会油淋淋，单食或配粥都同样滋味。特浓鲜豆浆 🥛 (套餐 +$5升级)以非基因改造黄豆制成嘅特浓鲜豆浆，比一般豆浆嘅营养价值高，豆味香浓，
📍天水围天瑞路77号天泽商场2楼213A号舖
转天气朝早有时都楼食返暖胃啲嘅嘢，但又唔想食得太寡、太单调？去KFC就满足到你嘅要求！皆因佢哋推出咗全新「早！肯粥意」系列，首次喺香港市场带嚟热辣辣嘅鸡粥。身为粥友同KFC fans，当然要抢先一试最新组合！
[价钱 Price] 💰$29
D2 香葱家乡鸡粒粥餐 🥣
呢个系列有三款粥餐，分别系香葱鸡丝粥、香葱粟米粥同香葱家乡鸡粒粥。既然要推介俾大家，当然要拣款最特别、最估佢唔到嘅配搭啦！平时单点家乡鸡粒已经食到lam lam脷，估唔到加落热鸡汤粥底会出奇哋夹！
家乡鸡粒捞咗炸过嘅香葱，整齐哋放喺粥上面，并无全部浸晒粥，保持到香脆嘅口感同炸鸡嘅味道。粥底加入鸡汤煲煮，口感绵密得嚟仍食到米嘅颗粒感，唔系无米粥嚟，用匙羹搞多几下都唔会变得水汪汪，味道有啲似白汁鸡皇饭，整体比我预期好！
食粥必定要配油炸鬼，虽然KFC嘅油炸鬼无一般粥舖咁长咁大，但对比其他连锁快餐供应嘅油炸鬼，KFC嘅不论口感定味道都略胜一筹，外皮香脆，内里软熟，唔会油淋淋，单食或配粥都同样滋味。
特浓鲜豆浆 🥛 (套餐 +$5升级)
以非基因改造黄豆制成嘅特浓鲜豆浆，比一般豆浆嘅营养价值高，豆味香浓，无半点豆渣，入口顺滑，仲有冷热两款供应，正呀！
以下9间分店未有供应，想食粥嘅记得check check先：
亚洲国际博览馆、东广场、山东街、奥海城、又一城、彩云、赤柱、海富中心同太安楼
张贴
