KiKi麵店 (K11 Musea)

营业中

休息中

之前都有买过kiki面系屋企自己煮黎食，见到尖沙咀有间kiki面既实体店，贪新鲜谂住试下。个人觉得价钱系偏贵，但系味道唔错，特别系小食真系几好食。面类既选择同搭配都几多，至少黎到唔会净系觉得系比贵价黎食加左料系屋企煮到既kiki面。1⃣️全日套餐（$148） 👉蒜片台湾肠 台湾肠同蒜片要夹埋一齐食！份量以虽然系跟餐但系都ok多。  👉胡麻棒棒鸡伴小醋面 卖相好得🥰堆得好高，面头系鸡丝，面拌好后沾上左胡麻酱，有种拌手撕鸡既风味，加上少少醋既酸味，唔会好腻口。  👉生乳铜锣烧（抹茶） 细细件，冇乜特别。  👉紫薯雪绒芋圆白桃乌龙（+$18） 奶盖偏薄同埋唔够厚实，有少少紫薯蓉系面。白桃乌龙清香，芋圆几烟韧，食到啲芋头既味道。  2⃣️蟹黄油拌面（$138） 呢个好正😍附上蟹黄油、蟹黄蟹肉、同埋蟹黄醋，可以按自己喜好拌入面到食。食到啖啖蟹肉好鲜味～再加上啲蟹黄醋提鲜，好好食！  3⃣️Kiki担担面（$88） 担担面质地系有弹性既，唔会好油，好多肉碎，绝对系最经典既拌面之选。  4⃣️起司鲔鱼玉米蛋饼（$48） 蛋饼比我想像中好食。蛋饼应该即叫即煎，蛋饼皮微脆，中间既馅料都好多，面头既酱油膏有少少甜甜地咁。