影片
更多
2016-12-10
860 浏览
King’s Wine & Dine虽然话系晌北角，但其实较近鲗鱼涌地铁站，出站后行咗大约五分钟左右就到。餐厅嘅格局干净企理，仲有我哋最爱嘅卡位，当日所见座上嘅食客大部份都系外藉人士。圣诞节将至，餐厅入面都摆放咗唔少节日装饰。用牛皮纸印制嘅餐牌，某啲菜式仲有参考图。原本想叫两份扒类晚餐，最后只系试咗一份扒加一份意粉。是日餐汤有两款，大蒜薯蓉汤，我都系第一次晌西餐厅饮呢款西汤，因为坊间大部份餐厅嘅白汤都系忌廉汤居多，呢款汤嘅质感较粉，味浓偏咸。杂菜汤，汤入面有洋葱、西芹同胡萝卜等等，饮落微酸，相对起嚟味道较大蒜薯蓉汤温和。另外，伴汤嘅蒜蓉多士都几脆口。脆烟肉卡邦尼意粉，洒上巴马臣芝士碎同香草，同埋用咗菊苣同紫生菜衬托。意粉煮得弹牙，表面沾满酱汁，当中嘅烟肉丝、烟肉干同洋葱粒令佢更惹味，仲食到少少蛋香。想试美国谷饲牛肉眼，可惜当日已经售罄，于是就改叫新西兰自然放牧草饲牛柳，餐牌写住牛柳有六安士重，根据平时食牛扒嘅经验嚟目测，都几足料。伴碟有炸薯角、黑橄榄、蒜头、番茄、意大利青瓜黄瓜同胡萝卜，蔬菜经香烤过，食起嚟有焦香，同埋洒上黑椒粒、辣粉同香草等等作调味同点缀。牛柳肉质软腍唔韧，切开后肉汁
King’s Wine & Dine虽然话系晌北角，但其实较近鲗鱼涌地铁站，出站后行咗大约五分钟左右就到。
餐厅嘅格局干净企理，仲有我哋最爱嘅卡位，当日所见座上嘅食客大部份都系外藉人士。
圣诞节将至，餐厅入面都摆放咗唔少节日装饰。
用牛皮纸印制嘅餐牌，某啲菜式仲有参考图。原本想叫两份扒类晚餐，最后只系试咗一份扒加一份意粉。
是日餐汤有两款，大蒜薯蓉汤，我都系第一次晌西餐厅饮呢款西汤，因为坊间大部份餐厅嘅白汤都系忌廉汤居多，呢款汤嘅质感较粉，味浓偏咸。杂菜汤，汤入面有洋葱、西芹同胡萝卜等等，饮落微酸，相对起嚟味道较大蒜薯蓉汤温和。另外，伴汤嘅蒜蓉多士都几脆口。
脆烟肉卡邦尼意粉，洒上巴马臣芝士碎同香草，同埋用咗菊苣同紫生菜衬托。意粉煮得弹牙，表面沾满酱汁，当中嘅烟肉丝、烟肉干同洋葱粒令佢更惹味，仲食到少少蛋香。
想试美国谷饲牛肉眼，可惜当日已经售罄，于是就改叫新西兰自然放牧草饲牛柳，餐牌写住牛柳有六安士重，根据平时食牛扒嘅经验嚟目测，都几足料。
伴碟有炸薯角、黑橄榄、蒜头、番茄、意大利青瓜黄瓜同胡萝卜，蔬菜经香烤过，食起嚟有焦香，同埋洒上黑椒粒、辣粉同香草等等作调味同点缀。牛柳肉质软腍唔韧，切开后肉汁即时流出，就咁食都够味，另可配黄芥辣等一齐食。
最后我哋叫咗热柠檬茶，茶冲泡得有啲浓，但就无苦涩感，餐后饮一杯的确几消滞。
张贴
