影片
更多
2017-12-29
209 浏览
去亲九龙城都系食泰菜，今次试下呢间得奖咖啡师主理既小店，地舖有得坐下外面叹下咖啡，一入去已经闻到一阵咖啡香。一行入去已经见到好多得奖既奖状同奖座，所以一定要试下呢度既咖啡，一定有保证。外面有一张枱仔可以坐低，慢慢享受下叹下咖啡，入面都几宽阔坐得几舒服，仲有Bar枱位可以俾你望住咖啡师冲咖啡，系一种享受。入面都有唔少布置，用上左唔同既植物同花做装饰，仲有呢个细细既夹糖机好好玩。一场黎到紧系要叫咖啡，居然会用上好少人用既虹吸方法，因为呢种方法比起手冲实在见得少之有少，成个过程就好似睇紧艺术品一样。试左呢杯《危地马拉拉米尼塔花神》($55)，饮落花香味较重较易入口，咖啡师都好有心机都介绍咖啡特质抵赞。另外仲有呢杯《百利甜酒咖啡》($48)，上面奶泡打得超滑，混入左百利甜酒一齐，呷一下就会有甜酒既香气，加上高质咖啡一流。好多人食片到劲靓既牛油果多士，我地就试左《烟肉羽衣甘蓝班尼迪蛋》($90)，烟肉够脆香面包微烘过，加上好健康既羽衣甘蓝，一切个班尼迪蛋啲蛋汁就流哂出黎，一齐食清新得黎又充满咸香味。饱肚之选有《烤春鸡配薯菜》($128)，薯仔烤过个皮好脆，烤鸡个皮好香口鸡脾位啲肉好嫩滑，成个都几
去亲九龙城都系食泰菜，今次试下呢间得奖咖啡师主理既小店，地舖有得坐下外面叹下咖啡，一入去已经闻到一阵咖啡香。
一行入去已经见到好多得奖既奖状同奖座，所以一定要试下呢度既咖啡，一定有保证。
外面有一张枱仔可以坐低，慢慢享受下叹下咖啡，入面都几宽阔坐得几舒服，仲有Bar枱位可以俾你望住咖啡师冲咖啡，系一种享受。
入面都有唔少布置，用上左唔同既植物同花做装饰，仲有呢个细细既夹糖机好好玩。
一场黎到紧系要叫咖啡，居然会用上好少人用既虹吸方法，因为呢种方法比起手冲实在见得少之有少，成个过程就好似睇紧艺术品一样。
试左呢杯《危地马拉拉米尼塔花神》($55)，饮落花香味较重较易入口，咖啡师都好有心机都介绍咖啡特质抵赞。
另外仲有呢杯《百利甜酒咖啡》($48)，上面奶泡打得超滑，混入左百利甜酒一齐，呷一下就会有甜酒既香气，加上高质咖啡一流。
好多人食片到劲靓既牛油果多士，我地就试左《烟肉羽衣甘蓝班尼迪蛋》($90)，烟肉够脆香面包微烘过，加上好健康既羽衣甘蓝，一切个班尼迪蛋啲蛋汁就流哂出黎，一齐食清新得黎又充满咸香味。
饱肚之选有《烤春鸡配薯菜》($128)，薯仔烤过个皮好脆，烤鸡个皮好香口鸡脾位啲肉好嫩滑，成个都几多肉食完真系好饱，仲有个蕃茄都系超新鲜。
店名：Rings Coffee
地址：九龙城衙前塱道8号地下
餐牌:
张贴
