羅勒印度餐廳 (七姊妹道)

营业中

休息中

米芝莲推介印度餐，一定要黎试下喇，仲要必点咖哩同炸饼，坐下坐下都FULL哂，平日都几多人食。原来大埔都开左，环境应该都几靓下次要再去试埋。成间餐厅既布置都好有印度既感觉，挂左好多好靓既装饰同埋劲正既吊灯。座位都几宽敞唔会坐得好迫，侍应生都系印度人，一入去就极有印度风味。小食叫左杂菜薯仔饼($38)入面夹杂左好多杂菜，成块几厚身食落有少少辣辣地同埋真系好多薯仔，仲有酱可以点，甜甜地点埋薯饼更加香口。黎到印度点可以唔叫咖哩呀！一定要叫既香草咖喱羊肉($96)，羊肉已经煮到劲淋身，咖喱唔算好辣但劲香，有少少盖过左羊既膻味。玛沙拉牛肉($88)，玛沙拉系用左劲多香料整成，所以食落已经劲多香料煮成既味道超惹味，牛肉都系劲淋劲入味，最紧要可以拎黎点烤点食一流。点会少得蒜蓉烤饼($26)，烟烟靭靭加上劲多蒜蓉超好味，拎埋黎点咖哩同玛沙拉真系超惹味。餐饮有好多酒类可以拣，当然要点特别既香料奶茶($30)，先有一壶装住俾你再自己倒落杯，有香草既味道，茶味唔系太浓，记得呢度樽装水系要收$10架。Kulfi($40)印度都有雪糕食，炼奶味几重再点啲藏红花汁更好食。店名: 罗勒印度餐厅地址: 北角七姊妹道7号