祥香茶餐廳 (已結業)

去亲茶餐厅都一定会叫常餐，常餐最好就系唔驶点谂入面又系我最钟意食既野，最喜欢都系食个汤面加餐包加野饮就大满足。外面放满哂岩岩出炉既蛋糕面包，见到咁靓都已经好想食，入面就系旧式既茶餐厅格局，感觉都几干净唔会好污漕。见到岩岩新鲜出炉即时叫番个《蛋挞》($4)，蛋挞新鲜出炉超热辣辣，蛋香都几够味，不过太松脆好易散开哂。去亲茶餐厅都会叫既《特餐》($36)，叫左叉烧通粉，叉烧真系劲大块不过有少少韧，餐包烘起搽上牛油够软熟，煎蛋就太过熟喇。去得呢度食野紧系要叫《茶走》，茶味够又够香滑，食哂咁多野再饮埋就够满足。店名：祥香茶餐厅地址：西环坚尼地城卑路乍街107号餐牌: