影片
更多
2017-11-03
116 浏览
成日望住个餐牌劲多野左谂右谂要叫咩野食，日本餐厅最好就系有厨师发办，会拣果日最正最新鲜既，有好野食又岩哂选择困难症既人。坐完叮叮去铜锣湾行街之后行过维园，其实系天后站附近就会揾到呢间大大道木门超有日式风既日本餐厅。呢度有卡位亦有Bar位，要望清师傅整最正既野食当然要坐正面前喇，仲有成个柜既刺身望住真系见到已经好想食喇！餐具都好有日本特色，坐住等紧师傅准备，一路饮住茶一路等下就好快有得食。好专心咁系你面前整寿司，又整紧三杯寿司饭，望住将海胆三文鱼籽放上去，成个过程都会睇到哂，就咁整下整下就整左个一人前出黎。先食左大大只既虾，一夹起真系劲大只呀，已经拆好哂壳，加上黑鱼子啖啖肉。再黎就系三件寿司，有吞拿同拖罗，最好食当然系拖罗，真系入口就啖啖油脂，寿司饭大小适中，就算无点酱油都好够味。再食浓味少少既虾胶流心海胆，一咬开海胆汁流哂出黎，外面系啖啖蟹肉，包住海胆一齐食成个都好鲜，上面海胆有少少咸夹埋超好食。再黎就系望住整左最耐既三杯超靓既三文鱼籽加海胆加葱吞拿喇！三文鱼籽超多，每啖饭都可以配黎食，咸咸地既三文鱼籽最好就系配埋寿司饭一齐食，再加上中间舖左紫菜就更香。海胆份量都唔少，虽然放耐左先食，
成日望住个餐牌劲多野左谂右谂要叫咩野食，日本餐厅最好就系有厨师发办，会拣果日最正最新鲜既，有好野食又岩哂选择困难症既人。坐完叮叮去铜锣湾行街之后行过维园，其实系天后站附近就会揾到呢间大大道木门超有日式风既日本餐厅。
呢度有卡位亦有Bar位，要望清师傅整最正既野食当然要坐正面前喇，仲有成个柜既刺身望住真系见到已经好想食喇！
餐具都好有日本特色，坐住等紧师傅准备，一路饮住茶一路等下就好快有得食。
好专心咁系你面前整寿司，又整紧三杯寿司饭，望住将海胆三文鱼籽放上去，成个过程都会睇到哂，就咁整下整下就整左个一人前出黎。
先食左大大只既虾，一夹起真系劲大只呀，已经拆好哂壳，加上黑鱼子啖啖肉。
再黎就系三件寿司，有吞拿同拖罗，最好食当然系拖罗，真系入口就啖啖油脂，寿司饭大小适中，就算无点酱油都好够味。
再食浓味少少既虾胶流心海胆，一咬开海胆汁流哂出黎，外面系啖啖蟹肉，包住海胆一齐食成个都好鲜，上面海胆有少少咸夹埋超好食。
再黎就系望住整左最耐既三杯超靓既三文鱼籽加海胆加葱吞拿喇！
三文鱼籽超多，每啖饭都可以配黎食，咸咸地既三文鱼籽最好就系配埋寿司饭一齐食，再加上中间舖左紫菜就更香。
海胆份量都唔少，虽然放耐左先食，但食落都好鲜甜。
最有惊喜系呢款葱吞拿，本身吞拿已经好香，再加上葱提升左香味，中间又加入左柚子令到成个吞拿更多层次。
食完之后仲会有个热汤，睇颜色已经觉得好足料，饮落鱼味真系超重超鲜甜，入面仲有鱼超滑身。
仲有个甜品，雪糕抹茶味超香浓，加上甜甜既红豆超夹。呢度服务真系好好，侍应一见我地饮茶咁上下就不停咁黎Refill真系好用心。
店名：鮨豊
地址：天后琉璃街4号地下
餐牌:
张贴
