魔術兔曲奇 (已搬遷) 新店位置

前排行下旺角商场，无意中俾劲大个兔仔吸引左，成间店都好可爱，入去见到好多好靓既香港制造曲奇就买黎试下。门口有大大只兔仔同你Say Hello欢迎你，入面仲放左好多好靓既兔仔罐，仲用左曲奇既盒仔整左个LOVE字出黎够心思。呢一个系《魔法六味曲奇》用上左魔术师兔仔同热气球做设计，加上至爱既天蓝色罐已经忍唔住手，一打开曲奇超香食落牛油香加上唔同口味，入面有朱古力杏仁、咖啡核桃、5%朱古力、红莓杏仁卷、黑白芝麻卷同朱古力酥片，好多款口味。另一款系《Mr. Rich曲奇》，呢只谂住拎番公司食独立包装够方便，少女粉色盒够靓，有牛油味、咖啡味、焦糖绿茶味、柠檬味同比利时朱古力味，同事食得劲开心话劲松化。