JK Brother's (已搬遷) 新店位置

韓食韓食，番工俾人搞到一頭煙要食餐好既，搵食又搵到上樓喇。都坐得幾迫同埋真係幾嘈下，好彩兩個人坐到張四人位先無咁迫挾。好多人都叫做緊68蚊特價既果醋烤雞，不過我見到《泡菜爆炒芝士豚肉》($138)已經迷住左，一上真係勁大份，再送上辣醬同芝士陣間一齊炒。豚肉肥瘦均勻，首先將豚肉放上去煎香，煎既時候真係聞到超級香勁想食。加上辣醬微辣同拉芝既麵又邪惡又好味，係略微炒乾少少更加好。再黎個《芝士烤香蔥雞肉》($42)，雞肉嫩滑不過味道唔夠，同芝士凍得好快就好難卷喇。店名: JK Brother’s地址: 觀塘開源道54號豐利中心5樓507室餐牌: