影片
更多
2018-07-13
544 浏览
甜品食得多即场系你面前画又食过未，即叫即拣枱垫就有专人介绍同即砌即画，真系一面欣赏住艺术品一面又可以食甜品一举两得。今次就黎到呢幢大楼度，差唔多成幢都开左野食变左揾食天堂，一上到去就已经系餐厅，真系围住左成个厨房黎坐都几特别。围住坐既高枱就岩哂睇席前即画既甜品既客人坐，而如果就咁叫甜品既就可以坐则边既梳化位，仲可以望住外面铜锣湾既景色叹甜品。热辣辣既天气，贴心既店员一黎就整个冻冰冰既Welcome Drink真系无得弹，见到用上左新鲜既士多啤梨整出黎用料够充足。拣好左要《席前甜品》($348)之后，店员先俾左黑色白色同透明既枱垫我地拣，拣好之后就即时开始喇，先用上左四种唔同既材料黎画左个Base先，有朱古力椰子芒果等等画出黎。之后用上左成个过程最靓既一幕，用上左-190度既液态氮整雪糕，一倒落去就劲多烟飘哂出黎，系正你面前整真系成个仙境一样。成个过程其实有好多唔同既互动，包括介绍食材，试画试整都可以。终于个完成品出左黎喇，真系好多唔同既材料，睇上去真系成幅画咁好色彩缤纷，当然见到每个人都会不停咁影相打卡留念喇。介绍下入面既食材，先黎就系头先用上左液态氮整既雪糕，分别左竹炭朱古力味同士多
甜品食得多即场系你面前画又食过未，即叫即拣枱垫就有专人介绍同即砌即画，真系一面欣赏住艺术品一面又可以食甜品一举两得。
今次就黎到呢幢大楼度，差唔多成幢都开左野食变左揾食天堂，一上到去就已经系餐厅，真系围住左成个厨房黎坐都几特别。
围住坐既高枱就岩哂睇席前即画既甜品既客人坐，而如果就咁叫甜品既就可以坐则边既梳化位，仲可以望住外面铜锣湾既景色叹甜品。
热辣辣既天气，贴心既店员一黎就整个冻冰冰既Welcome Drink真系无得弹，见到用上左新鲜既士多啤梨整出黎用料够充足。
拣好左要《席前甜品》($348)之后，店员先俾左黑色白色同透明既枱垫我地拣，拣好之后就即时开始喇，先用上左四种唔同既材料黎画左个Base先，有朱古力椰子芒果等等画出黎。
之后用上左成个过程最靓既一幕，用上左-190度既液态氮整雪糕，一倒落去就劲多烟飘哂出黎，系正你面前整真系成个仙境一样。成个过程其实有好多唔同既互动，包括介绍食材，试画试整都可以。
终于个完成品出左黎喇，真系好多唔同既材料，睇上去真系成幅画咁好色彩缤纷，当然见到每个人都会不停咁影相打卡留念喇。
介绍下入面既食材，先黎就系头先用上左液态氮整既雪糕，分别左竹炭朱古力味同士多啤梨荔枝味，一只入口真系好浓朱古力味，另一只就果味较重较清新，记得整完要等烟散哂先好食唔系就会痴住条脷。上面仲加上条条既龙须糖，用左咁特别咁靓既方式真系好有创意。
另外会有几set既甜品组合，入面有黄仔粒粒既柑桔啫喱酸酸地，感觉好夏日。奶冻超特别用上左接骨木花同七喜黎整，口味好特别同好有特色。朱古力脆片超脆身同配上咖啡忌廉好夹。唔少得既当然系朱古力布丁同埋大家都好钟意食既抹茶麻糬。
呢个菠萝脆脆粒超钟意食，有劲香既菠萝香味同埋粒粒够脆身，全部既甜品都系自家制作够哂心思同够哂特别。
最后就会画上大家拣既字句，周年纪念或者生日都好多人画，我地当然要画番自己既招牌名喇，仲见到人地可以要求画公仔。
食完之后配上野饮够哂满足，《Chocolate 70%》($48)，一黎已经闻到好香既朱古力味，饮落真系啖啖朱古力香仲见到有少少溶朱古力够哂足料，当然70%就会较为甘醇，喜欢朱古力既朋友一定钟意。
店名：ATUM Desserant
地址：铜锣湾骆克道459-461号The L. Square 16楼
餐牌:
张贴
