影片
更多
2019-12-13
1657 浏览
纳入狠狠惩罚系列原因 - 提供免费冰水、连侬墙、文宣postcard铜锣湾必定要帮衬既黄店，每次行过都劲多人饮既珍奶店，每次买完都要等好多张飞要排好耐但都系值得等，齐齐撑起黄色经济圈。成个店面都写满哂memo纸，入面就算连张枱都贴满哂，仲继续不停有人痴紧上去，仲有几款抗争明信片可以拎，款款都劲靓。每款茶都会有樽茶叶放出黎俾人闻下先拣，大家钟意边款都可以睇一睇个茶香先，珍珠都有茶香同蜜香两款，仲写左点制作同埋有咩分别，另外仲有个月球打卡位。《奶霜观音》($32)：饮奶霜紧系要一啖就咁倒落囗，就系浓浓既奶盖再有清清既茶配搭，奶霜厚身而且咸香度好够，加上茶味出既观音劲快就饮完一杯。《蓝伯爵奶茶》($27)：斯里兰卡既蓝伯爵茶唔系度度都有，茶味都系咁好饮奶又香滑，珍珠可以拣左黑糖同茶枝做既茶香珍珠，唔好太甜清新一啲，另外仲可以拣蜂蜜煮既蜜香珍珠。店名：木卫二铸茶所地址：铜锣湾怡和街22号地下3号舖餐牌
纳入狠狠惩罚系列原因 - 提供免费冰水、连侬墙、文宣postcard
铜锣湾必定要帮衬既黄店，每次行过都劲多人饮既珍奶店，每次买完都要等好多张飞要排好耐但都系值得等，齐齐撑起黄色经济圈。
成个店面都写满哂memo纸，入面就算连张枱都贴满哂，仲继续不停有人痴紧上去，仲有几款抗争明信片可以拎，款款都劲靓。
每款茶都会有樽茶叶放出黎俾人闻下先拣，大家钟意边款都可以睇一睇个茶香先，珍珠都有茶香同蜜香两款，仲写左点制作同埋有咩分别，另外仲有个月球打卡位。
《奶霜观音》($32)：饮奶霜紧系要一啖就咁倒落囗，就系浓浓既奶盖再有清清既茶配搭，奶霜厚身而且咸香度好够，加上茶味出既观音劲快就饮完一杯。
《蓝伯爵奶茶》($27)：斯里兰卡既蓝伯爵茶唔系度度都有，茶味都系咁好饮奶又香滑，珍珠可以拣左黑糖同茶枝做既茶香珍珠，唔好太甜清新一啲，另外仲可以拣蜂蜜煮既蜜香珍珠。
店名：木卫二铸茶所
地址：铜锣湾怡和街22号地下3号舖
餐牌
张贴
