麥田廚房 (已結業)

生日当然要庆祝下，一早已经睇中左呢间海派俄罗斯菜，其实系俄罗斯贵族以前流落上海，所以融入左上海风味。入去就见到好多酒放哂系度，绝对岩哂你食住饮番杯，仲有好多唔同既俄罗斯公仔，由细至大都有收藏好丰富。店舖环境好阔落，台同台唔会迫到好埋可以好好咁享受一餐，酒吧位都画左唔少俄罗斯既壁画同埋有经文写左系墙上面。餐纸有男有女既俄罗斯公仔好可爱，仲有好详细咁介绍左上海派既俄罗斯菜点样黎，等大家除左食之外都可以深入认识下饮食文化。必定要试《上海派招牌罗宋汤》($48)，先炒香左蕃茄酱，饮落有蕃茄酱甜味，加入卷心菜同入味牛肉粒，酸中带甜又带少少辣味。小食要左《传统迷你虾多士》($68)，炸得劲香脆，中间用上虾胶同菜捞埋炸，不过略微少左啲，包太过厚身，点沙律酱好食。主菜有《扒大虾茄汁炒意粉》($128)，大虾已经开边好方便，仲啖啖肉，意粉好有细个去西餐厅食茄汁意粉风味。俄菜特色《基辅炸鸡卷》($160)，一切开热辣辣标哂烟，入面香草牛油流哂出黎，表面超脆，入面系嫩滑手剁鸡肉，薯蓉捞埋牛油又滑又香。店员好贴心咁将之前偷偷预订既《朱古力班尼朗蛋糕》($58)插埋蜡蠋送上，Brownie朱古力味好浓，加上冻冰