影片
更多
2023-04-20
717 浏览
kyoto Joe以日本嘅伏见稻荷大社作为设计灵感，店内中央有一幅巨大嘅鲤鱼壁画，天花以灯笼作装饰更显楼底之高。坐喺窗边用餐，落地玻璃外嘅中环景色一览无遗，感觉格外闲适。今次春季weekend brunch嘅主角系于樱花盛开时当造嘅樱鲷，主菜、寿司、刺身每人一份，而前菜、串烧、天妇罗系任食㗎。想一睹万鱼之王嘅风采，记得月尾前去食啦。﹆ 春季限定樱鲷半自助早午餐 $588♙ 沙律/前菜𖦹 樱鲷及刺身沙律𖦹 矶煮鲍鱼𖦹 炙烧A4宫崎和牛𖦹 天使香辣三文鱼他他𖦹 日本海云鲍鱼非常入味而且完全唔硬，和牛细细片但极香口，三文鱼他他同平时食嘅唔同，食有好似薯片咁嘅脆脆，辣辣地带啲南美嘅风情。仲有海云口感几得意，味道较清淡唔太食得出佢有咩味。♙ 寿司𖦹 樱鲷𖦹 吞拿鱼腩𖦹 比目鱼𖦹 A4宫崎和牛 𖦹 深海池鱼寿司每人有六件，其中入口即溶、油香充斥口腔嘅以吞拿鱼腩，及配上海胆牛味突出嘅A4 宫崎和牛最为出色，深海池鱼富嚼劲嘅口感亦令人印象深刻。♙ 刺身𖦹 樱鲷𖦹 北海道带子𖦹 牡丹虾𖦹 吞拿鱼腩𖦹 深海池鱼樱鲷晶莹剔透，配搭嘅酱汁经特别调制，鱼肉鲜味突出；其余刺身新鲜厚切，牡丹虾劲♙ i 爽口。 ♙
kyoto Joe以日本嘅伏见稻荷大社作为设计灵感，店内中央有一幅巨大嘅鲤鱼壁画，天花以灯笼作装饰更显楼底之高。坐喺窗边用餐，落地玻璃外嘅中环景色一览无遗，感觉格外闲适。
今次春季weekend brunch嘅主角系于樱花盛开时当造嘅樱鲷，主菜、寿司、刺身每人一份，而前菜、串烧、天妇罗系任食㗎。想一睹万鱼之王嘅风采，记得月尾前去食啦。
﹆ 春季限定樱鲷半自助早午餐 $588
♙ 沙律/前菜
𖦹 樱鲷及刺身沙律
𖦹 矶煮鲍鱼
𖦹 炙烧A4宫崎和牛
𖦹 天使香辣三文鱼他他
𖦹 日本海云
鲍鱼非常入味而且完全唔硬，和牛细细片但极香口，三文鱼他他同平时食嘅唔同，食有好似薯片咁嘅脆脆，辣辣地带啲南美嘅风情。仲有海云口感几得意，味道较清淡唔太食得出佢有咩味。
♙ 寿司
𖦹 樱鲷
𖦹 吞拿鱼腩
𖦹 比目鱼
𖦹 A4宫崎和牛
𖦹 深海池鱼
寿司每人有六件，其中入口即溶、油香充斥口腔嘅以吞拿鱼腩，及配上海胆牛味突出嘅A4 宫崎和牛最为出色，深海池鱼富嚼劲嘅口感亦令人印象深刻。
♙ 刺身
𖦹 樱鲷
𖦹 北海道带子
𖦹 牡丹虾
𖦹 吞拿鱼腩
𖦹 深海池鱼
樱鲷晶莹剔透，配搭嘅酱汁经特别调制，鱼肉鲜味突出；其余刺身新鲜厚切，牡丹虾劲♙ i 爽口。
♙ 主菜
𖦹 A4宫崎和牛西冷陶板烧
可以自己控制生熟，肉质嫩滑多汁，牛香满溢。
𖦹 樱鲷鱼纸火锅
樱鲷煮熟咗之后鱼味更浓郁，配上竹轮、白灵芝菇、冰菜，啲精华落晒个汤到，一定要试下饮。
♙ 炉端烧
𖦹 A4宫崎和牛串
𖦹 宫崎豚角烧
𖦹 蒲烧鳗鱼串
𖦹 免治鸡肉棒
串烧整体质素高，烤得均匀唔会过干。最欣赏喺鸡肉棒内加入鸡软骨碎，口感瞬间提升。
♙ 炸物
𖦹 九洲华味鸟唐扬
𖦹 温室茄子天妇罗
𖦹 天使虾天妇罗
𖦹 紫苏樱鲷天妇罗
炸物之中最特别嘅系温室茄子天妇罗，炸粉够薄身，一咬落去系香脆嘅表面，茄子里面软腍juicy。
♙ 甜品
包括水果、芝麻蕨饼以及抹茶芝士蛋糕，食咗咁多嘢嘅味蕾表示很refreshing。
﹆ free flow beverages +$238
特别推荐甜甜地嘅Prosecco Rose同埋富果香嘅Yuzu Sake Highball，与日本菜尤其合衬
张贴
