影片
更多
2011-06-04
22 浏览
星期五又系我地一班老友四出揾食既黄金时间，朋友A系铜锣湾返工，有一日返工系地铁收到张传单，系介绍一间欧陆式餐厅，见d环境同食物相几吸引，就建议我地今个星期五去试下。可能我地预早订台啦，LaBon为我地安排在系VIP房，我地一行五人就可以系房间畅所欲言。大家饮下酒倾下计，十五分钟到，第一道前菜就送到，系La Bon salad 同凯撒沙律。Labon沙律既烟三文鱼很肥美，微酸的味道令胃口大增；而凯撒沙律份量劲足，净系两个沙律都够五个人share。朋友A钟意食牛肉，佢就点左个牛肉他他，而我同朋友K就点左两份鹅肝，同朋友V朋友R分享。朋友A话个牛肉他他好好味，而我地个鹅肝都做到外脆内juice呀，佢地用左pineapple做伴碟，个人就钟意苹果多d罗。主菜我地就叫左羊架，黑毛猪同鲈鱼，朋友K就好钟意个鱼，话个皮够脆d肉又煮得刚好，好羊既我就觉得个羊可以再生d就更加好；至于个黑毛猪我就好满意，因为唔系一般既猪扒甘，对于我呢d戒牛既人黎讲系一个不错既选择！我地仲叫左个忌廉汁野菌意粉，个忌廉汁够浓，野菌又新鲜，又一个不错的选择。朋友A同我都好钟意食甜品，我地梗唔放过啦。我地就叫左两个唔同既的甜品黎
星期五又系我地一班老友四出揾食既黄金时间，朋友A系铜锣湾返工，有一日返工系地铁收到张传单，系介绍一间欧陆式餐厅，见d环境同食物相几吸引，就建议我地今个星期五去试下。
可能我地预早订台啦，LaBon为我地安排在系VIP房，我地一行五人就可以系房间畅所欲言。
大家饮下酒倾下计，十五分钟到，第一道前菜就送到，系La Bon salad 同凯撒沙律。Labon沙律既烟三文鱼很肥美，微酸的味道令胃口大增；而凯撒沙律份量劲足，净系两个沙律都够五个人share。
朋友A钟意食牛肉，佢就点左个牛肉他他，而我同朋友K就点左两份鹅肝，同朋友V朋友R分享。朋友A话个牛肉他他好好味，而我地个鹅肝都做到外脆内juice呀，佢地用左pineapple做伴碟，个人就钟意苹果多d罗。
主菜我地就叫左羊架，黑毛猪同鲈鱼，朋友K就好钟意个鱼，话个皮够脆d肉又煮得刚好，好羊既我就觉得个羊可以再生d就更加好；至于个黑毛猪我就好满意，因为唔系一般既猪扒甘，对于我呢d戒牛既人黎讲系一个不错既选择！
我地仲叫左个忌廉汁野菌意粉，个忌廉汁够浓，野菌又新鲜，又一个不错的选择。朋友A同我都好钟意食甜品，我地梗唔放过啦。我地就叫左两个唔同既的甜品黎试下。朋友A点左个焦糖炖蛋，佢觉得个炖蛋略嫌不够蛋味，而我order既心太软就比想像中更有水准，我同V都好怕d太甜既甜品，而呢个心太软就做到岩岩好，朋友V仲劲赞d士多啤梨好好味，无用糖水浸过，够新鲜。
埋单平均每人三百几蚊，大家都食到饱饱。今晚我地都好尽兴，揾到一间好味又舒适既餐厅，下次揾食又多个选择啦！
张贴
