La Kaffa (已結業)

今次同朋友去第一城，见到有La Kaffa第一时间把握机会带埋佢试出名嘅全日早餐，今次叫咗博洛尼肉酱意粉、E2全日早餐、热茉莉绿茶同埋冻荔枝红茶。今次份全日早餐有法式多士、两只煎太阳蛋、沙律、茄汁豆、炸薯饼同埋两种吾同味道嘅德国香肠。全日早餐果然冇令我失望，法式多士外脆内软而且甜度适中，炸薯饼绝对香脆，德国肠已经好耐冇食，钟意食肠仔嘅朋友一定会食到停唔到口，全个早餐都畀我一种好refresh嘅感觉。博洛尼肉酱意粉，肉酱用咗高级猪肉配上特制茄酱汁，特别香浓，再加埋意粉食，弹出唔同层次。之后饮番两杯冻热特饮，为依餐划上完美嘅句号。