La Postre (永樂街) (已結業)

今日同朋友喺上环附近揾嘢食，上网见到一间评价好高同好近地铁站嘅西餐厅，于是想去试下。 店内装修好有特色，有好多吊灯，而我哋选择坐喺一张高枱上面。 我哋叫咗个前菜蜜瓜黑毛猪，跟住叫咗个主菜西班牙猪手，最后叫咗个甜品杂果麻薯窝夫。 蜜瓜黑毛猪首先送上，上面大约有四五块黑毛猪，肉质好嫩同好有味，加上蜜瓜味道好夹。 之后系西班牙猪手，西班牙猪手烧完再风干，再切成碎片，淋上佢哋秘制嘅汁，味道好特别，猪手皮仍然好爽脆，最后加少少蜜糖，味道好清新。 最后系甜品，杂果麻薯窝夫，我哋叫咗全分 总共有四个窝夫组成，上面有唔同嘅杂果同一球大嘅云呢拿雪糕，切开窝夫入面有好多麻薯。