影片
更多
2018-03-15
1649 浏览
最近有位好朋友升職，因為我地之前講過如果佢真係升職就要請去酒店食dinner,結果佢真係遵守諾言，請我地去金鐘JW萬豪酒店嘅Flint Grill & Bar食飯呢間餐廳對我嚟講已經好高級，當日我都專登打扮好少少，費事失禮人，一去到餐廳見到裝修好有格調，以黑色做主調，行型格路線，而且招呼好周到，有人會幫忙拉櫈同鋪餐巾，我地被安排坐係廚師工作枱隔離，可以清楚望到各位廚師嘅手勢同刀功由於係朋友負責點菜，其實事前我地完全唔知道當晚嘅菜單，充滿surprise 同期待，一開始首先有軟綿綿嘅麵包配牛油，麵包暖暖地好鬆軟之後就到最令人興奮嘅三層海鮮盤，淨係賣相已經好吸引，我地忍唔住狂影相，最頂層有大大隻龍蝦同蟹，中層有生蠔，下層就係青口、蜆同蝦，餐廳仲提供左幾款醬汁配海鮮，我地食唔停口，因為海鮮真係好新鮮，尤其係龍蝦，開邊見到好多膏，另外蠔同蝦都好高質素，食完呢個海鮮盤，覺得好似跳左落加勒比海咁，有被海洋包圍住嘅感覺再嚟就係刺身拼盤，賣相又係好靚，謀殺唔少鏡頭，除左有平時常食嘅三文魚🍣、甜蝦、帶子等，最估唔到就係有鮑魚，刺身無論味道同口感都一流，最緊要係新鮮，而鮑魚應該係用一些醬汁煮過，甜甜地好惹
呢間餐廳對我嚟講已經好高級，當日我都專登打扮好少少，費事失禮人，一去到餐廳見到裝修好有格調，以黑色做主調，行型格路線，而且招呼好周到，有人會幫忙拉櫈同鋪餐巾，我地被安排坐係廚師工作枱隔離，可以清楚望到各位廚師嘅手勢同刀功
由於係朋友負責點菜，其實事前我地完全唔知道當晚嘅菜單，充滿surprise 同期待，一開始首先有軟綿綿嘅麵包配牛油，麵包暖暖地好鬆軟
之後就到最令人興奮嘅三層海鮮盤，淨係賣相已經好吸引，我地忍唔住狂影相，最頂層有大大隻龍蝦同蟹，中層有生蠔，下層就係青口、蜆同蝦，餐廳仲提供左幾款醬汁配海鮮，我地食唔停口，因為海鮮真係好新鮮，尤其係龍蝦，開邊見到好多膏，另外蠔同蝦都好高質素，食完呢個海鮮盤，覺得好似跳左落加勒比海咁，有被海洋包圍住嘅感覺
再嚟就係刺身拼盤，賣相又係好靚，謀殺唔少鏡頭，除左有平時常食嘅三文魚🍣、甜蝦、帶子等，最估唔到就係有鮑魚，刺身無論味道同口感都一流，最緊要係新鮮，而鮑魚應該係用一些醬汁煮過，甜甜地好惹味
食完冷盤就到熱食，我朋友點左幾款菜式，每樣兩碟，結果擺到全枱滿晒，放係我面前係一大塊牛排🥩，我覺得分分鐘大過我塊面，切開時充滿肉汁，外面就燒得焦焦地好香，果然靚牛排係唔同D，食落好有牛味
再介紹就係日式煎魚（請原諒我真係唔知菜式嘅名字，所以寫得唔夠貴格），魚🐟嘅質地好軟滑，食完口腔裡充滿魚油，唔知係咪用左味醂嘅關係，魚肉好似有一種酒味，好特別
另外仲有一碟菇菌、露筍同一盆炸薯條🍟，菇菌配上醬汁好惹味；露筍味道好清新，可減低油膩感覺；而薯條嘅薯味好重，我地食完一條又一條，完全拋低左澱粉質嘅顧慮
輪到成晚另一個最令人期待嘅環節，就係女仔最喜愛嘅甜品🍮時間，我地試左四個甜品，分別係朱古力蛋糕配雪糕、草莓蛋糕、蘋果撻及香蕉甜點。所有甜品嘅賣相都好精緻，味道一流，好似食緊藝術品一樣，即使當晚食完主菜已經好飽，但總有第二個胃去迎接甜品。我最喜歡就係蘋果撻，蘋果味清新而撻又好脆，鍾意上面有片蘋果乾做點綴
我要趁呢個機會多謝當晚請客嘅朋友，佢好有心咁揀選大家鍾意食嘅菜式，亦都好大方叫左好多嘢食，呢間餐廳好值得推介，無論環境、服務同食物質素都一流，連洗手間洗手盆嘅出水位設計都好特別，類似係一條條銀色水管從上面運水落嚟，而且仲有位姨姨會遞毛巾俾我地，好貼心
當晚大家都好滿足，幾個女仔gathering 再加埋咁多美食，係一個Happy Friday，希望之後再有機會試下餐廳其他美食啦
麵包配牛油
63 浏览
0 赞好
0 留言
三層海鮮盤
86 浏览
0 赞好
0 留言
刺身拼盤
64 浏览
0 赞好
0 留言
牛排
82 浏览
0 赞好
0 留言
日式煎魚
57 浏览
0 赞好
0 留言
菇菌
56 浏览
0 赞好
0 留言
露筍
47 浏览
0 赞好
0 留言
52 浏览
0 赞好
0 留言
47 浏览
0 赞好
0 留言
64 浏览
0 赞好
0 留言
60 浏览
0 赞好
0 留言
张贴
