Lady M

营业中

休息中

今次一共食咗三个口味，后两款我都系第一次试。原味千层蛋糕：一路以黎我都觉得Lady M贵得有道理，自己曾经试过做一次千层蛋糕，先知道非常考功夫同耐性。而且，坊间真系难以揾到一间，可以造到个皮层层都咁平均咁薄，啲cream又好味，口感非常软滑。朱古力棋盘蛋糕：棋盘蛋糕卖相真系非常吸睛，但我最欣赏佢外层非常幼滑嘅黑朱克力酱，朱古力爱好者必试。法式士多啤梨千层酥：单凭外表会误以为食紧拿破仑，但其实佢系酥皮+淡忌廉+士多啤梨+海绵蛋糕，没有太大惊喜。