Lady M

营业中

休息中

朋友远从外国回来，我请佢食饭，佢礼尚往来请我食Lady M千层蛋糕。其实沙田分店开幕已有一段时间，亦听闻不少朋友都赞口不绝，有时经过都会睇见长长人龙。虽然想一试，但超级无耐性既我系唔会等位。今晚将近8点半，真系唔洗等位ORDER完蛋糕就即刻可以入座。埋白讲我无咩期望，因为好多时排长龙店慕名多过欣赏食物品质。朋友话佢最近试过玫瑰千层蛋糕，所以今日试原味，我当然照跟，而且第一次食梗系食原味啦。店员好快端上两碟千层蛋糕，单看外表同其他店舖既千层蛋糕分别不大，不过如果仔细一睇就会发现它的"千层"真系好"千层"。如果你想数吓几多层，应该数好多次都数唔准，唔似其他千层蛋糕咁十只手指数得到。当我食第一啖既时候。咦?! 真系几好食㖞。啲CREAM好滑而且啲蛋糕皮唔会好厚，感觉唔腻。呢点好重要，因为我啱啱同朋友食咗餐好饱，如果太多CREAM或太腻，真系会食唔落。不过，如果佢地整得唔好食，卖咁贵就唔值喇。呢个质素系值呢个价钱，不过真系有啲贵。关于千层蛋糕既卡路里就。。。有时都要食吓啲好食既嘢而暂时唔会计较卡路里。